Gugma sa bitin

Gula 8

Dikit kaayo ang mga lawas nila ni Roland ug Kenneth samtang sila nagtupad sa paglingkod sanglit puno kaayo ang diskohan. Sa hilom maoy ampay ni Roland nga nagdikit ang ilang masig ka lawas.

“Gibatyag ni Roland ang kainit sa lawas ni Kenneth samtang nagdikitay ang ilang mga kilid. Aron dili sila kaayo maglisud sa paglihok-lihok, gisaka ni Roland ang iyang bukton ug giagbay kini niya sa abaga ni Kenneth.

Misamot ang panagdikit sa ilang masig ka lawas kay si Kenneth ingon na man sa nagsandig kang Roland. Niini’ng bahina, nasimhot ni Roland ang kahumot sa perfume ni Kenneth.

Nakahuna-huna si Roland nga iyang komedyahan si Kenneth. “Matintal man lang ta nimo Kenn tungod sa imong kahumot.” Igo lang mipahiyom si Kenneth nga milingi kang Roland.

Wala g’yud makapugong si Roland. Iyang gipadailos ang iyang mga bukton gikan sa abaga paingon sa hawak sa dalaga. Misamot ang gibati niya nga kahigwaos diha nga midapat ang iyang bukton sa hawak ni Kenneth.

Gibalikis ug gamay ni Roland ang iyang bukton ug gihapuhap niya ang tiyan ni Kenneth. “Agoy kagilok ana uy,” ingon sa mihiyad og gamay si Kenneth nga mibatyag sa paghuhapuhap ni Roland sa iyang hawak paingon na sa tiyan.

Wala tuyoa ni Roland nga milihok ang iyang pagka lalaki. Ingon sa mituyok ang iyang huna-huna samtang gibatyag niya’g maayo ang ilang kahimtang.

Miginhawa’g lawom si Roland tingali aron sa paghingilin sa iyang nagkainit nga pagbati. (Sumpayan)