Jezebel
Gula 166
“Makabuang ka, Jezebel. Nagsalimuang ko sa imong katahom.”
“Gawas na dinhi sa kuwarto, Red, kay matulog na ko.”
“Imo kong pagawson nga wa pa man ko maka-score?”
“Dili na ko, Red. Dili na ko.”
“Aw, ikaw ang mag-igo. Dili man ‘sab ko mamugos. Okey lang kun kana ang imong desisyon. Pahibaw-on ko na lang usab si Mrs. Elvira Lim sa sekreto ninyo ni sir James.”
“Ayaw kana’g buhata, Red, utang buot.”
“Dili na man kaha ka nako, p’wes, tug-anan ko na lang si Mrs. Lim nga may relasyon kamo si sir James.”
Naapiki na ko’g maayo ug wala nay laing mahimo. Napugos ko pagsanong sa gusto’ng mahitabo ni Red. Gipakaingon ko’g natapos na ang akong kalbaryo uban kaniya. Wala pa diay. Ingon sa nahigalam hinuon ang kanahan pagpahimulos sa akong pagkababaye.
Sulod sa akong kuwarto, gisubli-subli niya sa makadaghan ang pag-angkon kanako. Gipahimuslan niya’g maayo ang higayon. Wala ko’y nahimo kay may alas man siya’ng gikuptan batok kanako. Pilit ko’ng miduko ug nagpaawot.
Sa maong gabii, giangkon ko ni Red sulod sa pito ka higayon. Human siya natagbaw, migawas na siya sa akong kuwarto. (Sumpayan)
- Latest
