Jezebel

Gula 165

Apan sa akong kaugalingon, nakaingon ko nga ulahi na ang pahimangno ni Manang Ester nako kay nabiktima na man ko ni Red kagabii. Wala ko makabalibad sa gusto niyang mahitabo tali kanamong duha tungod kay iya man kong giapiki. Napugos gyud ko pagtugyan sa akong pagkababaye ngadto kaniya.

Miabot ang laing gabii. Human sa among mga bulohaton, nag-iyahay kami si Manang Ester og sulod sa tagsatagsa namo ka katulganan sa servants quarter. Paghisulod nako sa akong kuwarto, gipasiga dayon nako ang suga. Nakugang ko kay may tawo sa sulod sa akong kuwarto. Mosinggit unta ko kun wala pa ko makaila dayon sa maong tawo. Si Red!

Giduol dayon nako si Red nga naglingkod sa ngilit sa lantay nga akong higdaanan. Wala ko siya pakita’g maayong taras.

“Nag-unsa ka dinhi?” Pinagahi ang akong tingog nga maguwang lang sa hagawhaw.

“Naghuwat nimo,” laktod niyang tubag.

“Nganong imo man kong gihuwat?”

“Angay pa ba gud kanang ipangutana? Nia ko aron atong ipadayon ang ato nang nasugdan sa miaging gabii.”

“U-unsa?” -- Sumpayan pa