Wala pa matagbaw

Dear Tita Salie,

Good day. Ganahan kaayo ko mobasa sa imong mga tambag kay daghan ko og makat-onan. Mao nga kada adlaw gyud ko mobasa sa imong column.

By the way, just call me Mrs. Khim, 30 years of age, from Talisay City, minyo ug dunay lima kabuok mga anak.

Actually, dili man ni problema ang ako apan mahibulong lang ko sa akong bana. Kay karon god nga mag-sex mi dali ra man kaayo siyang magawsan. Dali ra mosirit ang iyaha. Apan sa una god kun mag-sex mi sa dihang uyab pa mi dugay man kaayo siyang magawsan. Usahay mag-una pa god ko. Pero karon siya na lang kanunay ang mag-una. Wala pa gani ko matagbaw apan siya humana.

Apan wala man koy problema niini, Tita Salie, kay love man nako ang akong bana pero mahibulong lang ko kay pareho ra man unta mi og edad.

Palihog pasabta ko. Salamat.

* * *

Hello maayong adlaw. Nabali sad ning hitaboa sa imong bana. Tungod kay ang kasagaran nga mahitabo kun bag-o pa gani makat-on o makasulay og sex, dali pa kaayong magawsan. Igo pa lang gani mitanday nagsirit-sirit na tungod kay dili pa kaantigo mo-control sa iyang gibati. Nasobrahan ang pagka agresibo.

Tingali kun lahi kining iyaha. Tungod seguro kini sa iyang  kakapoy sa lawas tungod sa trabaho mao nga dili na lang niya i-control ang pagpabuhagay. Gusto usab seguro niya nga dali rang mahuman aron sayo siyang makapahuway. Nasayod ka na nga hapo ang iyang lawas.

Tingali usab kun panagsa na lang mo nga magkontak ug mao kini ang hinungdan nga dali siyang magawsan tungod kay kanunay ra man mabag-ohan.

Mas maayo seguro nga open mong duha aron inyong estoryahan ang inyong problema. -- Tita Salie