Salamat sa pabuto - Gula 13

Gihangyo ni Zeny si Ruben nga mopauli na sa balay sa iyang ig-agaw kay dili siya buot nga maabtan sa iyang mga ginikanan nga gipasaka niya si Ruben sa ilang panimalay nga sila ra.

 Nakasabot ra ‘sab si Ruben sa tumong ni Zeny nga dili kini gusto nga moturok ang katahap sa mga ginikanan sa dalaga nga may dautan sila’ng gihimo.

“Sige, moadto na ko. Pero manuroy g’yud ta ugma ha? Unya kadto’ng imong gipasalig nako?” nagpahiyom si Ruben nga nanamilit kang Zeny.

“Oo lagi, dili ko malimot ana,” matud ni Zeny. Giukoban pa g’yud ni Ruben ang mga ngabil ni Zeny sa dayon niya’ng lakaw.

Ingon sa naglutaw sa panganod sa tumang kalipay si Ruben nga naglakaw paingon sa balay sa iyang ig-agaw. Wala g’yud siya magdahom nga niini’ng gabhiona sugton siya ni Zeny.

Labaw pa nga thrilling kaayo alang kang Ruben ang pagpanuroy nila ni Zeny inigka-ugma. Diha’ng naglami na unta ang ilang pagparayganay ni Zeny kaganina, gisanta siya sa dalaga.

Lab-as pa kaayo sa kaisipan ni Ruben diha’ng giingnan siya ni Zeny nga makigpanuroy kini kaniya. Gihuna-huna ni Ruben nga nakasabot na si Zeny sa sunod unta nga panghitabo sa nagkainit nila nga pagparayganay.

Mao kini ang hinungdan nga giagni ni Zeny si Ruben nga manuroy lang sila sa dakbayan sa Sugbo inigkaugma. Sa dayong katulog ni Ruben, iyang nabatyagan nga mura’g nagsakit ang iyang pus-on.

Nakasabot siya nga tungod kini sa grabe’ng pagpugong niya diha nga naglami na unta ang ilang pagparayganay kaganina ni Zeny. (Sumpayan)