Dili katulog

Dear Tita Salie,

Have a wonderful day. Tawga lang ko sa pangalan ng Cenive, dalaga, nagpuyo sa brgy. Carreta.

Ang akong problema mahitungod kini sa akong kaugalingon. Wala na ko kasabot nako kun duna ba koy sakit o kun naunsa ko.

Dili sad ko makaingon nga sakit tungod kay normal ra man ang pamati nako sa akong lawas. Ang nakaapan lang gyod, Tita Salie, kay sa gabii dili gyod ko makatulog. Ug kun makatulog man gani ko dugay gyod kaayo kaadlawon na.

Magsige na lang ko’g limbaglimbag apan dili gyod ko bation og duka. Normal ra ba kini sa tawo Tita? Kun may sakit man ko unsa mang sakita ang ania kanako?

Unsa man angay nakong buhaton? Palihog pasabta ko. Thank you very much and God bless.

* * *

Hello! Common kaayo ang imong gibati karon. Bisan gani ako nagproblema usab niini sa mga nangaging mga bulan. Ug nagkadiindiin na ko og patambal ug wala gyod ko maayo sa akong insomnia.

Insomnia ang ngalan nianang maong sakit nga imong gibati. Ug depende kini sa tawo tungod kay daghan ang nag-ingon nga sintomas kuno sa hyper acidity, ang uban kabuhi ug daghan pang findings nga nagkalainlain lang.

Sulayi ang pag-inom og gatas sa dili pa ka matulog. Ug inigkabuntag mag-exercise ka o mag-walking lang aron ka panington. Sulayi bisan sulod lang sa usa ka semana o puyde ra usab kun duha ka semana.

Apan kun sa imong tan-aw gani wala’y epekto sulayi og pahilot. Kanang manghihilot sa kabuhi kay tingali kun kabuhi lang kana.

Pero kun wala lang gihapoy epekto kanimo mas maayo pa seguro nga magpa-check up ka og doctor kay tingali unya kun duna kay depekto sa imong lawas. -- Tita Salie