Drug adik

Dear Tita Salie,

Good morning. Just call me Gabriel, 35 years of age, taga Sayaw Beach, Barili.

Palihug tambagi intawon ko, Tita Salie. Usa ko ka drug adik sukad pa sa akong kabatan-on hangtud karon. Dili man gyud nako mabiyaan ning bisyoha.  Drug adik na gyud ko. Kondili ko makasuyop sa usa ka adlaw kapoy akong lawas matagbaw gyud ko’g pangita og kuwarta para sa akong bisyo.

Unsa man gyud akong angay o maayong buhaton aron maundang na kining akong bisyo? Palihog pasabta ko, Tita Salie. Salamat sa pagpakabana ning akong suliran.

* * *

Good morning, Gabriel. Wala’y duhaduha nasayod ka gyud nga makadaut ang druga sa imong utok ug lawas. Ug basin naningkamot ka sa paghunong niini apan dili ka makapugong. Ayaw kaguol, kaon ang uban gani nakalingkawas sa pagkaadik ikaw makahimo usab niini.

Sulayi kini, una sa tanan sa matag adlaw labina kun nanginahanglan ka iampo sa Diyos nga unta tabangan ka niyang makalingkawas. Ikaduha, likay sa mga barkada nga mag-adtoan og mga bar nga mag-empluwensiya nimo.

Ikatulo, ayaw palabi og hunahuna sa maong butang. Ikaupat, pangitaa ang maayong higala nga nagasunod sa tambag sa Bibliya. Ikalima, sunda ang mga prinsipyo ug mga sukdanan sa Bibliya. Ikaunom, usa-usaha ang pagbuntog sa maong bisyo ug kahuyangan.

Makasalig ka, Gabriel, nga tabangan ka sa Diyos kun bug-os ka mangayo og tabang kaniya. -- Tita Salie