Babaye sa kabaret
Ingon sa dili na mapiog ni Berto ang gibati’ng kahigwaos tungod sa grabe’ng panagdikit sa ilang lawas ug sa dancer sa kabaret. Giingnan siya sa dancer nga mobayad ra siya’g P50 sa paggamit sa gamay’ng kuwarto nga anaa ra sa kilid sa nahimutangan sa kabaret.
“Sige kay dia man ko’y gamay’ng kuwarta…singkuwenta pesos man kaha?” gisuna g’yud ni Berto ang dancer sa kabaret. “O lagi, singkuwenta pesos ra ang kuwarto unya mangayo ra ‘sab ko nimo’g three hundred,” matud sa dancer dungan sa paghikap sa iyang atubangan.
Tukma g’yud nga nahurot ang 30 ka tickets nga gipalit ni Elizar para sa iyang uyoan. “Kumusta tiyo? Mopalit pa ba ta’g tiket?” giingnan ni Elizar si tiyo niya Berto.
“Dong, makigdulog man nako ang dancer. Dunay kuwarto kuno nga paabangan lang og singkuwenta pesos, dia man koy kuwarta dong. Mangayo ra ‘sab siya’g three hundred,” matud ni Berto. Nakapahiyom si Elizar nga naminaw sa iyang uyoan nga mihunghong kaniya.
“No problem tiyo, ako ra’y bahala sa bayranan basta malingaw ka,” matud ni Elizar dungan sa pagduol sa dancer sa kabaret nga naglingkod unahan kanila.
“Sige day, lingawa pag-ayo ang akong uyoan, akoy bahala sa bayad. Dawata ni’ng five hundred pesos, tip na nimo na’ng one hundred, basta ayoha lang paglingaw si tiyo aron dili magmahay,” ni Elizar pa ngadto sa babaye.
Human madawat ang kuwarta, mitindog dayon ang babaye ug giduol si Berto nga naglingkod. Nakita ni Elizar nga gibitad sa babaye si Berto.
“Huwata baya ko dinhi dong ha?” matud sa uyoan. Igo lang gipikpik ni Elizar ang abaga sa iyang tiyo nga gigiyahan sa babaye ngadto sa usa ka pultahan. (Sumpayan)
- Latest
