Jezebel

Gula 129

Sa ikaduhang higayon, nagdungan mi’g sangko si James sa kinapungkayan sa himaya. Managsama mi nga mihangos sa tumang kakutas. Matagbawon mi nga nahugno gikan sa tubod sa kalalim nga bugno sa gugma.

How nice!

Human sa ikaduha’ng round sa among lovemaking session, misugot na si James nga mobalik na ko sa akong katulganan sa servants quarter.

Nag-ilis dayon ko. Pagkahuman, mainampingon ko nga migawas sa kuwarto ni James.

Mingaw na ang palibot. Milahos ko ngadto sa servants quarter. Igo lang ko’ng nakasulod sa akong kuwarto, mitingog ang message alert tone sa akong cellphone. Si James ang nag-text nako. Gibasa nako ang iyang mensahe.

“Mag-usab ta ugma sa gabii, ha?” nagkanayon ang iyang text.

“Dili ko makaseguro,” gitubag ko siya pinaagi sa text. “Basin dili ta makalugar.”

Pagkabuntag, madasigon ko’ng miatiman sa akong mga bulohaton. Human sa pamahaw, nanglimpiyo ko sa balay. Naglampaso na ko sa sala dihang miduol si James nako. Gigunitan dayon niya ang akong bukton. – (Sumpayan)