Magsige’g putakputak

Dear Tita Salie,

Maayong adlaw kanimo. Hinaot unta nga malipayon ka karon ug madasigon ka kanunay alang sa imong mga gimbuhaton.

Tagoa lang ko sa pangalan nga Elly. I am 20 years of age, ulitawo. Ang akong problema mao kining kabahin sa akong gugma.

Duna koy uyab karon and we really love each other g’yud to the max. Apan kining iyang mga iyaan magsige’g sulsol, magsige’g putakputak ug ilang ingnon ang akong  uyab nga pangitaon og arang-arang.

Masakitan ug mainsulto gyud ko, Tita Salie. Mao nga ako untang bulagan ang akong uyab pero dili man siya mosugot. Unsa may akong buhaton? Palihog pasabta ko. Salamat kaayo.

* * *

Dearest Elly,

Kun tinuoray ang imong gugma ngadto sa imong uyab dapat lig-on ka ug isug aron ipaglaban ang inyong gugma. Akong nakita sa imong uyab nga gusto niyang ipaglaban ang inyong gugma bisan kun ang iyang mga iyaan ang iyang ikaatubang. Busa tabangi siya og ayaw talikdi.

Hinuon mas maayo nga imong himoong hagit sa inyong gugma ang mga gipanulti sa iyang mga iyaan aron maningkamot ka pag-ayo sa imong kinabuhi. Ipakita kanila nga naningkamot aron mahimo silang sayop sa ilang gipang-estorya. Paningkamot sa imong kinabuhi aron duna kini kausaban ug pamatud-i ngadto kanila nga sayop sila sa ilang gipang-estorya  ug panginsulto kanimo ug dili manghinayang ang imong uyab sa iyang pagpakiglaban sa inyong duha ka gugma. -- Tita Salie