Kuhaan sa katungod

Dear Tita Salie,

Have a nice day. I hope you’re in the best of everything.

Tagoa lang ko og Mr. Sagittarius. Usa ka minyo ug dunay duha  ka anak nga ania sa akong poder karon.

Ang akong problema,  Tita Salie, nga akong patambagan kanimo mao ang kabahin sa akong asawa nga karon wala na mouli diri namo. Sa laktod nga pagkasulti nagbuwag na kami duha  na ka tuig ang nakalabay.

Tungod kay nakigbulag man siya nako, maoy akong gusto nga kuhaan na siya sa katungod nga makasunod sa akong mga katigayonan. Dili na sad ko gusto nga makakuha pa siya sa akong mga benefits gikan sa akong trabaho sama sa SSS ug Pag-Ibig.

Unsa may akong buhaton, Tita Salie aron dili na siya makapanghilabot namo? Ug dili na siya makakuha gikan sa akong mga katigayonan? Palihug pasabta ko. Daghang salamat sa imong pagtagad.

* * *

Maayong adlaw. Ang imong asawa mao gyud ang imong primary beneficiary sa imong SSS ug Pag-Ibig. Kun maoy imong gusto nga wagtangon ang katungod sa imong asawa isip manununod sa imong mga benepisyo, magkinahanglan kini og mga proseso nga legal. Magkinahanglan kini og mga legal documents aron imong i-attached sa  imong files ngadto sa imong SSS ug Pag-Ibig. Labing maayo nga moduol ka og usa ka abogado aron imong ikonsulta ang imong kaso.

Magkinahanglan ka og legal assistance niini. Puyde kang moduol ngadto sa kapitan sa inyong lugar kun ugaling wala kay abogado nga maduolan, aron adto ka mangayo sa mga steps o lakang alang sa imong buhaton. -- Tita Salie