Wala nay teksteks
Dear Tita Salie,
Hello! I hope you are doing good na ma-maintain nimo imong beauty. By the way, tagoa lang ko sa ngalan nga Riz, 18 yrs of age. My problem is about my boyfriend nga wala nay teksteks ug tawagtawag nako. Mag two years na among relasyon. Tua siya karon sa ilang province ug ako nia sa Cebu nag-work. Matud sa iyang last text nga naguba daw iyang cellphone.
Mahal nako siya, tita Salie, taudtaod na man gud nga wala mi communication. Mag-expect pa ba ko nga kami pa? Mangita unta siya’g paagi nga magkakontakay mi diba, Tita Salie? Magpaabot pa ba ko niya? Palihug pasabta ko. Thank you.
* * *
Hello, Riz! Lisod tinuod ang magkalagyo ilabi na kun wala moy communication. Naguba man o wala ang iyang cellphone, lisod ang paghukom sa mga sitwasyon diin ikaw wala’y kasayoran sa tinuod nga kahimtang. Ug sumala sa 1 Corinto 4:5 nag-ingon: “Ayaw hukmi ang bisan unsa sa dili pa ang takdang panahon.” Pangutana sa iyang mga higala o mga relatives niya kun unsay tinuod. Ug angay nga magmaandam ka sa sitwasyon kay ang Ecclesiastes 3:1,6 nag-ingon: “May panahon sa tanang butang, ug may panahon sa pagdawat sa pagkawala.” Susiha ang katinuroan, kay lisod magpaabot sa wala’y katumanan. – Tita Salie
- Latest
