Jezebel
“Wa ko tug-ani ang akong mga ginikanan nga nabiktima ko sa rape,” giingnan nako si James. “Pero nasayod na sila nga nakatrabaho na ko. Nalipay sila pag-ayo.”
“Maayo hinuon kun mao kana,” ni James pa. “At least, dili na sila mabalaka mahitungod sa imong kahimtang dinhi sa Cebu.” Wala ko na tubayi ang ulahi niyang gisulti.
“Kanunay ka bang mukontak sa imong mga parents?” Laing pangutana ang gipasupot ni James kanako.
“Panagsa lang,” laing bakak ang akong gitubag kaniya. “Wa man guy cellphone ang akong mga ginikanan. Kun may tuyo ko nila, mamalihog lang ko sa among silingan nga may cellphone. Dili lagi kanunay kay maikog man sab ko sa among silingan.”
“Maayo na lang kana kay sa wala ka gyu’y komunikasyon ngadto sa imong mga ginikanan. Tuod, wa ka mingawa nila?” “Gimingaw man. Pero akong giantos tungod kay gipangayo man sa higayon.”
Sa akong pagtubag sa mga pangutana ni James, nag-amping gyud ko nga dili maligas ang akong dila ug makatug-an sa matuod nga nahitabo sa akong pamilya didto sa Bohol. “Puwede bang mangayo ko sa imong cellphone number, Jezebel?” Gikan ni James.
“Nganong dili?” Giingnan ko siya. (Sumpayan pa)
- Latest
