Jezebel - Gula 102
Nakahukom kong magpakahilom na lang. Isalig ko na lang sa Diyos ang pagsilot sa lalaking wala’y puangod nga nanamastamas sa akong pagkababaye.
“Dili na ko gusto’g samok, James,” midugang ko pagpasabot niya.
“Kun mao kanay imong desisyon,” ni James pa, “ikaw ang mag-igo, Jezebel.”
“Salamat nga nakasabot ka sa akong bahin.”
“May itanyag ko nimo. Ug hinaot nga dili ko nimo balibaran.”
“U-unsa kana?”
Imbes motubag sa akong pangutana, gisumbalik hinuon ko’g pangutana ni James.
“Unsa bang matanga sa trabaho ang gusto mong sudlan?” niya pa.
“Bisan unsa,” matud ko. “Ang importante nga duna koy trabaho. Mahinungdanon alang nako ang source of survival tungod kay wa koy kadangpan dinhi sa Cebu.”
“Kun mao kana, hatagan ko ikaw og trabaho.”
“U-unsa?”
“Usa ray among katabang sa balay. Kun gusto ka, adto ka na lang mag-alagad sa among balay aron dunay makaabag ni Manang Ester.”
Taudtaod kong naghinuktok. -- Sumpayan pa
- Latest
