Dili intrigohan og kuwarta

Dear DJ Inday Misyel,

Ako si LJ. Ang problema nako bahin kini sa akong 24-anyos nga kapuyo kay perwisyo kaayo siya ug wala pa g’yud natagbaw sa iyang pagkaulitawo. Makalagot kaayo kay naa na mi anak unya iya man hinuon ko tago-tagoan sa kuwarta! Dili na mohatag kanako og kuwarta human mi naka-loan. May trabaho siya nga giaplayan, nagsigi na lang og lukat sa mga requirements. Mamalihug ko, tambagi ko DJ. - LJ

Dear LJ,

Nakasabot ko sa imong punto LJ apan mas nakasabot ko sa bahin sa imong kapuyo nga nagtinihik kay wala pa siya’y trabaho. Naka-loan lagi pero wala magpasabot nga kini dili na mohatag kanimo, iya lang usa giuna ang mga requirements sa work aron dili kamo maalanganin puhon.

Angayan usab ni sabotan pag-ayo ang tanan bahin sa gastohan, labi na bahin sa kuwarta. Kinahanglan nga dunay usa nga maayo mukupot aron dili kini masayang o magasto sa walay hinungdan. Estoryahe sa hinay nga paagi ang imong kapuyo aron pagsulbad sa malinawon sa imong problema. - DJ Inday Misyel