Anak gipasagdan sa mama

Dear DJ Inday Misyel,

Mangutana ko bahin sa problema nako sa akong anak sa pagka-ulitawo. Minyo na ko karon ug may duha ka anak babaye. Sa una man gud duna koy anak sa pagka-ulitawo nga tua ra sa iyang inahan. Nasayran nako nga gipasagdan na lang sa iyang inahan kay nakigtipon man kini og usa ka tomboy. Ang inahan nagbisyo sa drugas, sugal ug sige’g duwa og mahjong. Unsa may buhaton nako aron makuha ang akong anak? Unya ang problema ‘sab may asawa ko karon, dili kaha magkagubot? Please tambage ko ug unsay akong buhaton. - Lomboy Loverboy

Dear Lomboy Loverboy,

Pakigsultihan nimo ang imong asawa ug tug-anan nga may anak ka sa ulitawo ka pa. Pakigsultihi ang imong asawa kun uyon ba siya nga kuhaon nimo ang imong anak. Pasabta siya aron dili makamugna og kagubot. Kinahanglan maayo ang pagsinabtanay ninyo nga manag-asawa ug sa duha ninyo ka anak. Ikaduha, pakigkita sa inahan sa imong anak sa pagkaulitawo, sultihi sa imong plano bahin sa inyong anak. Pasabta nga duna kay maayong pangandoy sa pagpa-edukar ug pag-atiman sa bata nga dugay na nimo’ng gihikaw kaniya. - DJ IndayMisyel 09995894692