Naglibog unsa’y negosyo

Dear DJ Inday Misyel,

Problema nako karon wala nako’y trabaho kay naapil ko sa early retirement. Hinuon aduna ko’y nadawat nga pabawon apan naglibog ko kun unsa nga negosyo ang akong sugdan. Ingon sa akong mama, sari-sari store, kaigo ba ang P150 mil? Kuyawan ko kay sa tindahan sa akong amigo wala man kabawi ug wala na siya ganahi. Unsay sugyot nimo nga maayo’ng negosyo. - Gina

Dear Gina,

Husto ang imong disisyon nga magnegosyo aron molambo pa ang nadawat nimo nga pabawon sa kompaniya. Unsa nga klase nga negosyo? Ang ginansiya magsugod sa gamay hangtod nga modako pa. Well, puwede ra ang sari-sari store pero ang complete nga financial niini subra pa sa P150 mil nga puhonan unya sinsilyo ang balik sa imong investment. Dunay mga negosyo nga dili dako og puhonan sama sa direct selling ug networking business nga maayo ‘sab og income nga nagpaabot kanimo. Pangita og maayo’ng produkto nga labing maayo sa health sa tawo kay mao kini ang trending nga business karon, beauty and wellness. - DJ IndayMisyel 09995894692