Jezebel

Ingon sa wala na ko ganahing moistar og dugay sa among balay. Puol kaayong paminawon ang kanunay’ng panaglalis nilang tatay ug nanay. Aron dili na ko makadungog sa ilang panag-irgo, miadto ko sa Tagbilaran bisan sa sunod pang semana magsugod ang klase sa second semester. Giteksan ko lang si Edward nga milarga na ko paingon sa Tagbilaran aron siya masayod nga wala na ko sa among pinuy-anan.

Pagkaugma, gipahibalo ko ni Edward nga nahiabot na siya sa Tagbilaran.   Miadto ko sa iyang gipuy-an. Nagmingaw ang iyang boarding house. Siya rang usa ang nagtikawtikaw kay wala pa man mamalik ang ubang mga estudyante.

Sulod sa iyang kuwarto, gisaw-an namo ang matam-is nga dugos sa pagpakighilawas. Nagsalig nga kami rang duha sulod sa balay, walay tihiktihik ang akong pag-agumod.

“Nganong mibalik man ka og sayo?” Nangutana si Edward human sa among lovemaking. “Sa sunod semana pa gani magsugod ang klase.” “Gisamokan ko’s balay,” laktod kong tubag. “Ngano man diay? May problema ba sa inyo?” – Sumpayan pa