Jezebel

Gula 81

Nag-text si Edward nagsusi siya kun nahuman na ba ko’g pa-enroll. Gi-replyan ko siya nga nakapa-enroll na ko ug padulong na ko sa terminal sa mga bus. Mi-text dayon siya nako ug miingon nga kun mahimo dili lang una ko mopauli sa Mabini. Ugma na kuno mi mamauli. Iya kong padiretsohon sa iyang boarding house.

Sa akong pagkabasa sa text ni Edward, kalit nausab ang akong hukom. Imbes mosakay ko’g multicab paingon sa bus terminal nagpahatod ko’g tricycle ngadto sa boarding house ni Edward. Pagkanaog nako sa tricycle, gisugat ko ni Edward.

“Abi ko bag mopauli na ka karon?” Giingnan ko si Edward.

“Nausab ang akong hukom,” niya pa. “Abi man gud nako’g di ka makahuman og pa-enroll rong adlawa. Gusto kong magkuyog ta’g pauli sa Mabini.”

Unya gidala ko ni Edward sa sulod sa iyang room.

Gitrangkahan dayon ni Edward ang pultahan sa kuwarto dihang nakasulod na kami. Unya gigakos ko niya ug gihagkan.

Dihang milugak siya paggakos nako, iyang gitangtang ang tanang salimbong sa akong lawas. Wala ko motutol sa iyang gihimo kay nasayod na ko sa gusto niyang mahitabo. -- Sumpayan pa