Walay kalipay sa bana

Dear DJ Inday Misyel,

Usa ako ka minyo, 28-anyos na ug may 4 ka anak. Sukad sa akong pagkaminyo, wala g’yud nako matagamtam ang kalipay sa akong bana. Usa ka higayon, may nakaila ko nga lalaki, 19 years old. Sa laktod nagkarelasyon mi ug sa iya nako nabatyagan ang pagmahal ug pagpangga nga wala nako matagamtami sa akong bana. Love  kaayo ko niya ug gimahal usab nako siya. Puwede ba ako mouban kaniya kay dili man kami kasado sa akong bana? Ms J

Dear Ms J,

Nasabtan nako nga init ug paspas pa tingali kaayo sa kama ang maong lalaki ug ikaw nga kuwang og kalipay sa imong bana mao nga dali ra nga natintal ug nakagusto kaniya. Sayop ang imong nahuna-hunaan kun ikaw makigtaban sa maong batan-ong lalaki. May upat na kamo ka anak ug sa imong kapuyo ug maisip na kamo nga usa ka pamilya. Paninguhaa nga molambo ang inyong relasyon ug sa imong kapuyo aron dili maungkag ang inyong pagpuyo. Dili ka makasiguro nga ang batan-on mo nga kabit molahutay pakig-uban kanimo. Basin ug mahitabo ang panultihon nga usahay anha mo ra masayri ang kabililhon sa usa ka butang kun kini layo na sa imong mga bukton.  DJ IndayMisyel