Jezebel

Gula 76

Wala gyud mi mobati ni Edward bisan diyotay na man lang kapuol sa pagpakighilawas.

Nagpadayon kami si Edward sa among kinawat-kawat nga kalipay. Sanglit layo na man kami sa among mga ginikanan, wala kami kabalaka nga mabuking ang among mga binuhatan. Enjoy kaayo ming duha sa among pag-eskuwela sa Tagbilaran kay buhong man usab kami sa kalipay nga lawasnon. Dili gyud nako kabalibaran si Edward tungod kay siya man ang nakapabuka sa akong mga mata sa kamatuoran nga nindot diay kaayong puy-an ang kalibotan kun makamao kang modiskobre sa kalalim nga naa sa imong lawas.

Naghinapos na ang first semester. Hapit na ang among final exam. Nakigsabot ko ni Edward nga dili lang una mimagkita sulod sa pipila ka adlaw tungod kay gusto kong mo-concentrate sa akong pagtuon. Dili ko gustong mahitabo pag-usab ang nasinati ko sa una nga wala ko makapasar sa akong major subject maong gusto kong itingob ang tanan kong panahon sa pagtuon agi’g pangandam sa final exam.

Sa sinugdan mitutol siya. Apan nakasabot siya sa kadugayan sa akong tumong maong misugot siya sa kadugayan. Tuod man, hugtanon ang akong pagtuon.

Usahay dili nako tubagon ang mga text ni Edward aron dili gyud ko madisturbo. -- Sumpayan pa