Voidable contract

“What is your defense, companyero?” ni Judge Nestor Rendesyon sa Municipal Trial Court sa lungsod sa Amoriga. Nimando una og recess ang huwes ning sayong kahaponon aron makigkonperensiya sa mga abogado ug kliyente. Kaso ni nga “sum of money” kon pagkolekta sa utang. Nia ra sila magkonperensiya sulod sa lawak bistahanan. Kay katapusang kaso ni nga gibista karong hapona, nga giatbangan nilang Atty. Vino Olodo ug Atty. Isaac Dalana.

Ang huwes naglingkod gihapon sa iyang malatrono nga puwesto. Si Isaac ang gipangutana nga naglingkod sa tuo ni Vino. Ang kliyente ni Vino nga si Edna, naglingkod sa wala ni Vino. Sila ang kihante. Si Freda ang utangan ni Edna, naglingkod sa witness stand.

“Contract is the law between the parties, Your Honor” ni Isaac sa malumo nga tono nga mora’g ordinaryong nakighinabi. Wa nakiglalis. “What can you say, Atty. Olodo?” sa huwes. “I agree, Your Honor. But in this case, the defendant Freda Banika was not the owner of the land mortgaged to my client. She pretended to be her mother Clarita Banika and signed the mortgage with the name Clarita Banika” ni Vino. “Where is your mother now?” sa huwes ngadtong Freda. “Patay na, Your Honor. Biyuda na siya dihang natitulolan ang yuta sa iyang ngalan. Iyang gihatag ang titulo nako kay ipaprinda, sa buhi pa siya” ni Freda. “How many children did your mother leave?” sa huwes. “Three, Your Honor. Duna koy duha ka manghod,” ni Freda.

“The mortgage Your Honor, may be vitiated by fraud, is voidable. As voidable, it is valid until annulled. The siblings of my client have no intention of questioning the mortgage. Because they received their proportionate shares from the proceeds of the mortgage loan” ni Isaac.

“I think your best option is to foreclose the mortgage” sa huwes ngadtong Vino. Nilingi si Vino sa iyang kliyente sa wala.” Can I say something Your Honor?” ni Edna. “yes, go ahead” sa huwes. “I don’t like the land Your Honor. It’s located so far from the road. I’d rather collect the principal amount plus interest” ni Edna. “Well, granting arguendo that you win in this case and the defendant has no cash available, you still have to go back to the property mortgaged. The title is in your possession and you have all the opportunity to foreclose the mortgage” sa huwes. Nangahilom silang tanan.

Gisuspenso lang una sa huwes ang pagbista sa kaso. Gihatagan sila’g panaho panahon sa pag-areglo. Kay utang ra ang hinungdan sa kaso. Unya bag-o lang nakabanos ang huwes niining husgado nga gibiyaan sa huwes nga niretiro. Gusto niyang maareglo ang kaso kay sa malangan.