Ang diskarte ni Enar

Wala dayon makatulog si Enar nianang gabhiuna. Naghunahuna siya kun unsaon niya pagdiskarte si Dading aron mohunong na pag punay og yaw-yaw, kay usa na ka semana nga wa siya’y klarong kuha sa iyang pagpanagat. Maayo na lang kay bag-o silang naka- tingob og bugas gikan sa sweldo sa ilang anak nga si Loren, nga maoy tindera sa tindahan nilang Ojet Rosalie, kun wala pa mag-unsa na lang.

Sukad misulod ning bulan sa tingtugnaw bugnaw ang panahon. Bugnaw ang hangin, pun-an pagsige og ulan, misamot ang kabugnaw ang dagat mora og inaysan perteng bugnawa. Mao nga si Enar dili ka konsentret og panagat mao nga dili kakuha. Kakuha man gani sakto rang isuwa.

Pagka ugma sayo siyang mibangon sa iyang gihigdaan ug iyang gipukaw si Dading.

“Ding paghikay og sayo kay naka- hunahuna ko nga adto ta mangaon sa dagat kay dagko kaayo ang unod sa tihi tihi karon.

Tuod man wa maglangay og panahon si Dading naghikay dayon. Gusto usab siyang mouban ni Enar kay gusto usab siyang mokaon sa tihi-tihi nga maoy paborito niyang pagkaon sa dagat. Total wa na man sila’y problema, wa sila’y atimanon nga anak. Duha na lang sila sa ilang balay kay si Loren mouli na lang matag bulan nga maghatod sa iyang sweldo.

Didto sa dagat human gayud sa ilang pamahaw nangandam dayon si Enar sa iyang gamit panagat, pana, sabay, tipara ug buhi-an. Dayon milukso sa sakayan, milangoy pahilayo niini aron manabay og hito nga maoy kasagaran makuha niini.

Apan sa wala lang gyud madugay mibalik dayon si Enar sa sakayan, nagdali og sakay nga nagkurog, “Ding, Ding, pagdali Ding, sinina kay tugnaw kaayo.” Si Dading nga naluoy sa kahimtang sa iyang banang nagkurog, nagdali og kuha sa sinina ni Enar. “Nar dia ra ang imong sinina ug pag-ilis dayon, tugnaw man kaha.”

Sukad niadto wa na gyud mag- yawyaw pa si Dading sa iyang banang si Enar, bisan og wa siya’y hito nga kuha. Misaler gyud ang diskarte ni Enar. (Katapusan)