Rosalie Vallecera

“Basta ayaw baya gyud ko pasagdi kon unsay mahimong linugdangan niining atong gibuhat, ha, Edward,” paraygon ang akong tingog.

“Dili lagi. Salig nako, Jezebel.”  Giukoban ni Edward ang akong mga ngabil. Dayon gikaligoan niya ang akong lawas sa mainiton niyang mga halok. Mikiat sab ang iyang mga kamot sa pagpanghikap sa sensitibong parte sa akong lawas. Ang iyang gihimo nagsugnib og dinagaang sa kalalim sa akong kaugalingon.

Laing matang sa sensasyon ang akong nabatyagan ug nasinati. Lahi nga kalalim ang gidulot niini kanako. Nalabnot nako ang mga buhok ni Edward tungod sa kahinam nga akong gibati. Mora’g kalit lang naughan sa tubig ang akong tutunlan ug gibati ko’g tumang kauhaw.

Wala ko magpaalkanse ni Edward. Gipangita ko ang iyang  mga ngabil ug giukoban kini sa pamasin nga masubhan ang kauhaw nga akong gibati. Gisundog ko ang unsa man nga iyang gibuhat kanako. Gigabling ko ni Edward ug gipahayang sa pagpahigda.  Subli ko niyang gikaligoan sa iyang mga halok. -- Sumpayan pa

Bunga sa kalooy

Ni Cindy Jones

Hapit na alas nuybe sa gabii ug si Ronnie nagpaingon na nga mopauli sa Barangay Kalunasan. Nakabantay si Ronnie nga grabe ka traffic ang karsada paingon sa Kapitolyo unahan sa Fuente Osmeña tungod sa tulo ka sakyanan nga nagsingki taliwala sa karsada. Gipatuyok ni Ronnie ang iyang kotse sa Fuente Osmeña ug nakahukom siya nga adto na lang moagi sa dalan Juana Osmeña. Gikan sa Fuente miliko siya sa Ramos ug mi-left turn sa karsada nga laktoranan nga molusot sa General Maxilom Avenue. Mitabok si Ronnie sa General Maxilom Avenue ug misaylo na’g gamay sa usa ka bookstore. Nabantayan niya nga dili traffic sa mao nga karsada nga adto molusot sa dalan Escario. Apan may bakla nga mipara ni Ronnie nga adunay kaubang tulo ka babaye.

Abtik kaayo ang mga mata ni Ronnie nga mipasiklap sa tulo ka babaye nga kauban sa bakla. Nakita ni Ronnie nga maayo’g hitsura ang usa kanila mao nga abtik siya nga mipahunong sa iyang kotse daplin sa karsada.

Miduol dayon ang bakla samtang ang tulo ka babaye nagpabilin nga nagbarog daplin sa karsada. Nagbarog ang bakla tungod sa passenger seat sa kotse nga nagyuko ug naglili kang Ronnie. Gibuksan ni Ronnie ang wind shield sa kotse. “Chicks ta sir,” matud sa bakla sa tono nga mora’g dunay gihagad sa pagbaligya. Karon nakaamgo na si Ronnie nga ang tulo ka babaye nga nagbarog daplin sa karsada ug mitan-aw sa iyang kotse mga Magdalena diay sa kagabhion.

Nakahuna-huna si Ronnie nga iyang sakay-sakayan ang bakla nga bugaw. “Hain man? Kanang tulo nimo ka kauban?” giingnan niya ang bakla. “O mao na sila sir, guwapa kaayo na’ng usa sir, sige na akong pasakyon sa imong awto,” sa bakla pa dungan sa pagkamay sa mga babaye. (Sumpayan)