Dili mo-reply sa text

Power DJ Inday Misyel,

Tagoa lang ko sa ngalan nga Siton, 16 years old. Akong problema mahitungod sa love life. Pareho kami nga nagminahalay g’yud sa akong GF. Ang nakapaet lang kay kon mo-text ko niya, dili siya mo-reply nga naa man siya’y load, mora’g laayan naman ko ani nga babaye Inday Misyel, uy! Nagduha-duha nako. - Siton

Dear Siton,

Husto ka, nakasabot ko nimo nga magduha-duha na kay ma-feel man nga wala siya’y oras alang sa kumunikasyon ninyo’ng duha. Kaduha-duhaan usab kon tinuod ba nga pagmahal ang inyong gibati sa usa’g-usa. Kon atong sabton, 99 porsiyento nga dili tukma nga magseryuso ka sa maong feelings, layo sa tinuod nga mao na ang babaye nga mahimo nimo nga kauban sa kinabuhi. Pagka-karon, paglipay ug pahimudsi ang imong pagka ulitawo ug andama ang imong kaugalingon kon duna may failure, rejection ug fear bahin sa relasyon kay usahay ang tanan lumalabay ra.

Inyo ako nga mapaminaw sa Radio DYKC gikan sa (10:30 – 12:00) sa gabii. - DJ Inday Misyel