Jezebel - Gula 24
“Ayaw ko’g balibari, Jezebel,” gikan ni Edward.
“Nganong sa Baybayon Beach Resort man gyud ta magkita?” Gisukit ko siya.
“Mas maayo didto kay magkasulti ta’g maayo nga wala’y makatugaw nato.”
Misugot ko sa iyang gihangyo. Nagkasabot kami si Edward.
Tuod man, nianang pagka-Sabado, nananghid ko ni Nanay Ludy nga muadto sa Baybayon. Gipatuo ko lang si Nanay nga gidapit ko sa pipila nako ka higala nga mangaligo og dagat didto. Maayo gani kay misugot ang akong inahan. Nahinayon gyud ang sabot namo ni Edward nga magkita sa beach resort sa Baybayon. Mikuha mi’g cottage.
“Maayo gani kay wala mokiha ang mga ginikanan ni Jerome,” matud ko dihang nakasulod na kami sa cottage. “Ug wala sab masayri sa atong mga magtutudlo ang inyong panag-away. Maayo hinuon aron wala na tay problema.”
“May problema gihapon, Jezebel,” ni Edward pa, “kon dili gyud mohunong si Jerome sa pagpangulitawo nimo.”
“Pasagdi na lang gud na siya. Ikaw bitaw ang akong gihigugma.”
“Salamat sa imong gugma, Jezebel. Karon gusto kong imong imatuod nga ako ra gyud ang imong higugmaon hangtod sa kahangtoran.” -- Sumpayan pa
- Latest
