Jezebel - Gula 6

Sa laing bahin, nalipay na lang sab ko nga wala gyud mahinayon ang pag-angkon ni Edward sa akong pagka-babaye.

At least, virgin pa ko hangtod karon. Luwas ko sa kabalaka nga tingalig momabdos ko ug hikasab-an sa akong mga ginikanan.

Pero hangtod kanus-a man kaha kutob ang pagpreserbar nako sa akong virginity? Nakapangutana ko sa akong kaugalingon. Nasayod kong desidido kaayo si Edward sa pagkutlo sa kaputli sa akong pagka-babaye. Bisan unsang orasa nga makahigayon siya mahimong iya kong angkunon kay dili man sab ko makabalibad niya.

Kagabii lang, mura’g nahikalimot ko sa kalibotan dihang midatom na sa akong kaugalingon ang gihimong pagana ni Edward.

Hinuon, kun unsa man ang mahitabo tali namo ni Edward sa umaabot, nakaseguro kong dili ko kini pagabasulan. Gihigugma ko si Edward. Ug nasayod kong nahigugma usab siya nako maong misalig kong dili ko niya pasagdan kun may mahitabo na namo.

Nianang pagkaugma, human sa pamahaw, nananghid ko ni nanay Ludy nga moadto sa Baybayon Beach Resort. Apan wala ko tugti sa akong inahan kay may mga bisita kuno kami nga moabot. Sa hilom naguol ug nasubo ko. -- Sumpayan pa