Gusto makigbalik

Power Inday Misyel,

Gibuwagan nako ang akong BF kay duna siya’y lain. Last time nga nag-ilis mi og simpak, then may mi-text nga “magkita ta.” Laing text  “unsay imong sul-ubon? Unya ako’ng gi-reply. “Kahibawo naman ka unsay favorite color nako.” Then mi-reply, “Ok Love.” Wala na ko kaagwanta, akong gitawagan ang babaye ug didto nako nahibaw-an nga may lain siya’ng GF nga 15 years old. Mao nakigbuwag ko. Semana ang milabay, gusto makigbalik sa akoa ang akong X, pero unya na kuno if dug-on ang girl. Wala ko mosugot. Usa ka adlaw, mitawag iyang auntie nga nagpaeskwela niya nga balikan na kuno kay naguol na ang iyang pamangkin. Tapos, mitawag na pud ang akong X, pwede na kuno niya buwagan ang lain niya’ng GF. Unsa may angay nakong buhaton? Maghikog kuno siya kun dili ko makigbalik? – Joy

Power  Joy,

Taas pa kaayo ang imong freedom to choose the life you dreamed of. Yes normal lang ang makigbalik sa relasyon apan ang problema kay dili na makuha ang kinatibuk-ang pagsalig. Bisan second chance pa, duna na kini gap. Well, sa parte sa 15 anyos, hayan mapriso pa siya kay iya kini gihilabtan nga menor de-edad pa. Ug lisud sa usa ka dalagita kun ang iyang pagkababaye mahilabtan ug pusgay na! Luoy usab kaayo… mao usab na ang imong bation.

Kun maghikog siya, dili na kana sala nimo, pero kini’ng estoryaha common na kaayo nga depensa aron lang tuohan. Busa wala kay angay kabalak-an. Usa pa, dili pa kaayo intense and committed ang inyong relasyon. Pagka karon, kun unsa ang makahatag og kaayohan, unya dunay kalinaw mao kini ang sunda. Pag-ampo nga makakita ka og buotan g’yud nga lalaki nga makauban nimo sa kinabuhi. Pray to God. - Dj IndayMisyel (FB: IndayMisyel Ganahan Ko nimo or  09995894692)