Mabdos na pod

Dear Tita Salie,

Have a wonderful day. I really need your advice, Tita, because problemado kaayo ko this time. By the way, just call me Aica, dili pa minyo apan duna nay anak nga usa kabuok. 16 anyos pa lang ko, Tita, apan may baby na. Unsaon man god nga sayo man kaayo kong nanguyab.

Sa una nagtipon mi sa amahan sa akong anak apan magsige mi og away hangtod nga nagkabulag ming duha. Tungod lagi kay duna koy anak nangita ko og trabaho. Ug sa akong pagtrabaho may nakaila ko nga usa ka tomboy. Buotan kaayo siya ug understanding kaayo. Nanguyab siya nako ug ako usab nga gisugot.

Karon nagsige og text ang amahan sa akong anak kay gustong makigbalik. Sa tinuod lang love lang gihapon nako siya. Magsige mi og kita apan patago lang kami tungod kay supak na man ang akong parents kaniya. Apan ang problema kay mabdos na man god ko sa ikaduha namong anak. Maoy iyang gusto nga magbalik mi ug bulagan nako ang tomboy. Naglibog na gyod ko. Palihog pasabta ko, Tita Salie. Thank you so much.

* * *

Good day, Aica.

Tataw gyod kaayo nga duna pa kay gugma sa amahan sa imong anak tungod kay nasundan pa man kini sa inyong ikaduhang anak karon. Abi nimo dili na bagay kanako ang moingon nga sayo ra kaayo kang misulod niining mga butanga. Ug wala nay kahigayonan nga moatras pa ka kay nagdala na man pod ka og laing kinabuhi karon. Busa kun tinuoray pa mo sa usa’g-usa, kun mahal pa ninyo ang usa’g-usa ipadayon na lang ninyo ang inyong nasugdan. Tungod kay mas mosamot na ang imong kalisod kun mangita pa ka og laing sinugdanan.

Papangitaa’g trabaho ang imong uyab ug sa hinayhinay palamboa ang inyong pagpuyo. Biyai ang tomboy aron maka-focus ka ug pakasal mo kun husto na mo sa pangedaron. Ipakita ninyo nga kaya ninyong barogan ang inyong desisyon pinaagi sa pagtinabangay. -- Tita Salie