Bar girl - Gula 7
“Enjoy man diay kaayo ka ikauban Delfin,†matud ni Leny dihang mihupas na ang kakutas sa pagsige nila’g sayaw. Igo lang mipahiyom si Delfin nga naminaw sa gisulti ni Leny kaniya. Nakahuna-huna siya nga iyang panguyaban si Leny.
Nakabantay si Leny nga may gihuna-huna si Delfin. “Unsay imong gihinuktokan?†gisukna siya ni Leny. Mipahiyom si Delfin ug wala dayon siya mitubag. “Nahuna-huna nako ang imong sitwasyon. Gipugos ka pakigdeyt sa anak sa tag-iya sa bar apan wala ka mosugot. Unya dia ka kanako miuban ,†ni Delfin.
“Maayo unta kadto kun nakagusto ko kaniya kay ako siya’ng ubanan… unya kay wala man,†mubo nga tubag ni Leny. Nakahuna-huna si Delfin nga sakyan ang gisulti sa bar cashier. “Unya kay miuban ka man nako, nagpasabot ba nga may kahigayonan nga mosugot ka kun akong panguyaban?â€
“Posible kun manguyab,†dala nga komedya ni Leny kang Delfin. Mibathay ang pahiyom sa mga ngabil ni Delfin nga nakadungog. “Kana ra diay? Kasayon. I love you Leny,†matud ni Delfin nga mipig-it dayon sa kamot sa dalaga.
Iyang gipasabot si Leny nga naghuwat ra g’yud siya’g tukmang higayon nga madaygan niya ang dalaga sa iyang gibati. “Ikaw ang hinungdan Leny kun ngano nga kanunay ko nga magpahugas sa akong motorsiklo sa car wash shop atbang sa imong gipuy-an aron lang g’yud ka nako makita kanunay,†ni Delfin pa.
“Bitaw, gaan ‘sab kaayo ang akong buot nimo Delfin. Tungod tingali sa imong kabuotan ug usahay pagka-komedyante,†ni Leny. Wala na paabota ni Delfin nga motangdo pa kaniya si Leny. Gisibog niya ang iyang lingkoranan aron madip-ig siya ngadto sa dalaga.
Giagbayan ni Delfin si Leny. Sanglit dili kaayo hayag sa diskohan, wala kaayo sila mataha ilabi na nga bisi kaayo ang ubang mga tawo sa pagsayaw. “I love you too Delfin,†matud ni Leny nga mibai-id sa ulitawo. Mitug-an si Leny nga may tinagoan usab siya nga pagbati kang Delfin. Sa tanto nila nga panagsultihanay, wala maglipud-lipod pag-angkon si Leny nga may kasinatian na siya sa usa ka lalaki.
“Ayaw og isipa nga mapahimuslanon ra kaayo ko Len. Mahimo ba og gikan dinhi sa disco mamahuway usa kita sa usa ka lugar nga kita ra’ng duha?†ni Delfin pa. Nakasabot si Leny sa buot ipasabot ni Delfin. Sangko sa langit ang kahinam nga gibati ni Delfin kay mipahiyom si Leny ug miyango. "Tana, manggawas na ta dinhi," ni Leny pa.(Kataposan)
- Latest
