Happy sa adik

Dear Tita Salie,

Good day. Just call me Laika, 16 years of age. My problem is about my lovelife. I just hope that you can help me  to enlighten my mind. Because I really don’t know kun unsay akong buhaton.

As a teenager, Tita Salie, daghan gyod kaayo ko’g manguyabay. Pero nilang tanan naglibog ko kun nganong happy man ko sa adik nako nga manguyabay.

Happy kaayo ko kun siya  ang akong kaestorya. Kun ang uban na gani kay boringan ko. Sugton na lang kaha nako kining nanguyab nako nga adik, Tita? Please tabangi ko kun unsaon nako kini ug kun nganong ingon man ko niini.

Thank you and may the Almighty Lord guide you always in all your endeavors.

* * *

Good day to you Laika,

Of course, teenager pa ka ug ganahan pa kaayo ka og hudyaka ug lingaw-lingaw ug mga pasiaw. Ug kanang adik nimo nga manguyabay maayo gyod niini tungod kay expert man siya sa lingaw-lingaw. Dali kaayo niya ang paglingaw ug pagpakatawa kanimo.

Dapat nimong masayran nga ang tinuod nga kinabuhi dili lamang pulos katawa ug lingaw-lingaw. Kun duna nay pamilya, usahay makalimtan na ang lingaw-lingaw ug kun duna kay problema lisod na kaayo ang pagkatawa.

Kun mamili ka og uyabon pilia ang tawo nga ikasabot nimo. Buotan ug dunay respeto ug makasabot nimo. And of course, dapat responsable siya nga tawo. Ug labing maayo gyod kun siya dili bisyoso.

Pasagdi lamang kanang daghan nimong manguyabay kay natural lamang kana kay dalaga na man ka. Maoy asikasoha ang imong pagtuon aron imong maandam ang imong kaugalingon ug duna kay nindot nga kaugmaon.

-- Tita Salie