Menopause
Usa ka dangaw ang paksi sa maron nga kotse ni Nestor. Nibolunter si Mario nga siya na lang ang mopintal. Kay duna siya’y shop. Didto, nasayran ni Nestor ang negosyo ni Mario. Dunay refrigerator ug aircon repair shop si Mario. Ug duna say apartment nga paabangan. May bakante nga usa ka door.
Naareglo ang disgrasya. Kay mora man la’g way nahitabo sa kotse ni Nestor. Tulo ka adlaw gikan sa hitabo, nahuman ni Mario og pintal. Unya gianha ni Nestor ang sakyanan pag-abot sa ikalimang adlaw.
Unya nibutho ang laing problema ni Mario. Nihangyo si Nestor nga anha niya papuy-a ang iyang kabit sa bakanteng apartment. Makigsabut siya kun pilay abangan. Gipaandar na ni Nestor ang kotse. Apan nanaug una siya aron pagsuta kun mosugot ba si Mario sa iyang hangyo. Nauknol si Mario. Nakapanglab-ok og laway. Nakaping-it ug nakalantaw sa halayo. “Mora man ka’g dili lalaki†ni Nestor nga may dalang kantalita. “Lalaki man ko. Pero di ko gusto’g problema. Igo na ning disgrasya nato nga nasulbad nako†ni Mario. “Unsa may problema? Nga kun magkasabot tas abangan, on time man ko mobayad†ni Nestor. Nagbarog tupad sa walang kilid sa iyang kotse ning sayong kahaponon. Si Mario nagbarog sab atubangan ni Nestor.
“Di na problemang abangan. Kun matultulan nis imong asawa. Unya mag-away imong duha ka bathala, dakong problema. Di ko gustong malambigit anang matanga sa problema†ni Mario. “Nag-menopause na man god akong asawa. Wa nay gana sa sex†ni Nestor nga nagpakilooy ang tinan-awan ngadtong Mario. “Di na maoy rason. Kun wa na siya’y gana, mananghid ka nga mangita’g substitute. Di kay magtagotago†ni Mario. Nakapangawot sa ulo si Nestor.
“Ayaw ko’g ilara nang menopause-menopause. Ikaw, sa akong tan-aw, wa pay 50. Ako 60 na ko. Akong asawa 55. Nangapo na mi. Sigi pa mi. As long as you still love with each other, you can still maintain good sexual relations. Except kun impotent na ang bana†ni Mario. Mingaw og layo’g silingan ang shop ni Mario. Busa, mora siya’g nagdiskurso.
Way nahimo si Nestor. Nisakay sa iyang kotse. Ug way tingogtingog nga nipasirit og padagan. (Katapusan)
- Latest
