Mibalik sila si Kent ug Lyn sa kotse. Gibuksan ni Kent ang pultahan sa passenger’s seat ug gipalingkod si Lynlyn. Misunod pagsulod sa kotse si Kent ug milingkod sa driver’s seat. Gipaandar ni Kent ang makina ug dayon ang aircon.
Gihuwat ni Kent nga mobugnaw ang sulod sa sakyanan. Iyang gilingi si Lynlyn nga mipasiklap kaniya. “Lyn, mahimo na tingali mo-kiss ko nimo kay dia na man ta sulod sa kotse,†matud ni Kent nga nagpahiyom sa bag-o niyang girlfriend.
“Sure, kiss lang diay. Masuko pa ko kun dili ka mo-kiss nako,†matud ni Lynlyn nga daw nangomedya pa ni Kent. Wala g’yud maglangan si Kent, giagbayan niya si Lyn ug mainampingon kini nga giukoban sa iyang mga ngabil. Ang kalumoy sa mga ngabil ni Lynlyn nga giukoban sa mga ngabil ni Kent maoy naghatag kaniya og talagsaong kahinam. Wala niya buhii dayon si Lynlyn ug gisubli-subli niya ang pag-ukob sa iyang mga ngabil.
“Pagkatam-is mo mahalon Lyn,†giingnan ni Kent ang iyang girlfriend. “Tana kay basin nangita na sila si Mama ug Papa nato. Paraygon na si Lynlyn ngadto ni Kent kay gani migunit na kini sa iyang abaga samtang nagmaneho sa kotse ang ulitawo.
Sa dayong kanaog ni Lynlyn sa kotse atubangan sa ilang balay, giukoban na usab ni Kent ug mainitong hawok ang iyang mga ngabil. “Sus, mora’g mabuang ko sa kalalim nimo nga hagkan,†matud ni Kent. Igo lang mipahiyom si Lynlyn.
Luto na ang sinabaw’ng manok nga giluto sa amahan ni Lynlyn. “Sus nag-andam ka g’yud Nong,†matud ni Kent. “Espesyal ka namo nga bisita Kent mao nga angay ka g’yud nga tagdon pag-ayo,†sa amahan pa.
Human sa ilang panihapon, milingkod si Kent didto sa lantay atubangan sa balay nila ni Lynlyn. Taud-taud, miduol kaniya si Lynlyn ug mitupad sa paglingkod. Nasiklapan ni Kent nga didto sa bentana ang mga ginikanan ni Lynlyn naglantaw kanila nga nagpahiyom. Ingon sa nakamatikod na sila nga aduna nay espesyal nga relasyon si Kent ug ang ilang anak. “Adto ta sa awto magsultihanay Lyn,†agda ni Kent sa dalaga. Mipahiyom si Lynlyn kay nakasabot kini sa tumong sa iyang boyfriend.
Tuod, wala gayud mosipyat si Lynlyn kay didto sulod sa kotse, subli nga giparaygan siya ni Kent ug giukoban pag-ayo ang mga ngabil. “Ugma sa buntag, mangaligo ta sa beach sa Oslob aron makakita ka ‘sab sa katahom sa among baybayon,†matud ni Kent.
Wala mobalibad si Lynlyn. “Makalimot g’yud ko sa akong boyfriend nga tua sa abroad kun kanunay kita nga mag-uban Kent.†Tuod, didto sa matahom nga beach sa Oslob, walay pugong-pugong sila nga nagparayganay kay walay nakaila kanila didto. (Kataposan)