Pamasin ni Poldo sa masyaw
Hesus Poldo ang imong mentin na lang sa masyaw ang atong lung-agon ug isuwa sa atong pagkaon,†nagbagutbot si Angkay samtang nagtayhop sa tinughong sa ilang abuhan.
“Ayaw la’g saba diha Angkay kay mogawas lagi ning akong mentin,†tubag ni Poldo samtang nagsige’g kumpyot sa tipsit sa masyaw.
“Unsay mogawas nga unom na man ka buwan nga sige’g mentin ana, bi aber?,†dugang ni Angkay.
Usa si Poldo nga nabuang sa masyaw sa ilang dapit. Gani bagdokan gyod niya pirmi ang iyang numerong mentin nga 895. Busa, dako-dako na gyud ang iyang napusta sulod sa pipila na ka buwan ug misamot ang pagkaburot sa bulsa sa pinanser niining sugala nga masyaw.
“Unsa na man hapit na mausa ka tuig ang imong mentin, unya migawas ba nga gahi pa man na sa puthaw!,†sudya ni Angkay samtang nagpungko kini sa bangkito sa ilang suok.
Mipadayon siya, “kun kadtong gisige nimo’g pusta sa imong mentin gitigom pa to nimo sobra pa tong ikaparepir sa atong payag nga nagharag na ug mabag-ohan pa ang purol mo nga buslot na gani ang lubot!,†singgaak maymay ni Angkay.
Wala motubag si Poldo. Igo lang nagpitok-pitok ang mata dala ang lingo-lingo ug panakla.
“Makadaog ka lang niana kung maabot na imong swerte pero kanus-a pa man?, dia pay lain ay, makadaog ka lang kung aduna kay kontak didto sa Manila nga makahatag nimo og ‘sure ball†nga numero nga mogawas gyud anang adlawa.†Mitutok si Poldo sa iyang asawa ug lawom kaayo ang gihuna-huna niini.
“Kahibaw ka Poldo kapin sa siete sintos ka kombinasyon nga mga numero ang masyaw kon jai-alai,†tubag ni Angkay nga gusto na gyud nga paundangon ang bana sa pagka-ungo niini sa sugal nga masyaw.
Miabot na lang sa usa ka tuig kapin ang mentin ni Poldo wala gyud kini mogawas. Maong nakahukom na lamang siya nga moundang na sa hingpit ug gikuhaan pud niya’g base ang gitambag sa iyang asawa.â€
“Moundang na ko ining masyaw, gitonto ug giboang lang ko ini, mosakay man gani akong numero balihon pud, kung dili paligasan.... hahay...,†hukom nga dalang pangagho ni Poldo. (Katapusan)
- Latest
