Daghan og gipaangkan

Dear Tita Salie,

Have a wonderful day. Just call me single Mom, an avid reader of your column. I really love your advice. That is why ganahan kaayo ko mangayo og tambag nimo.

My problem is about my lovelife, and the father of my baby. Sa una abi nako og kami na gyong duha ang magkuyog sa tibuok namong kinabuhi. Apan nasayop diay ko tungod kay peke diay iyang gugma diri kanako. Magsige lang siya og ingon nga I love you apan daghan diay mi nga iyang gisultihan niini.

Ako siyang gibulagan tungod kay ako mang nasayran nga daghan kaayo siya og gipaangkan. Halos nagkadungan mi og panganak sa iyang laing babaye.

Karon wala nay direction ang akong kinabuhi ug magsige na lang ko’g inom  ug magwala tungod sa akong kalagot sa akong gidangatan. Unsa may angay kong buhaton? Palihog pasabta ko, Tita Salie. Thank you so much.

* * *

Good day,

Kun nasayop ka sa unang higayon ayaw na dugangi ang imong sayop pinaagi sa pag-inom-inom ug uban pang lingawlingaw, nga wala’y ihatag nga kaayohan sa imong pagpuyo. Sa imong gibuhat karon imo lamang giguba ang imong lawas kay makadaut man kini kanimo. Imong giguba ang imong kaugmaon ug ang kaugmaon sa imong anak.

Imbes nga imong paningkamotan nga makabawi ka sa kinabuhi nga giguba sa imong boyfriend nga imong gituohan nga buotan imo pa hinuon nga gisamotan pagdasok ang imong kaugalingon nga mosamot ang imong kaalaot. Ayaw kalimti nga dili lamang ikaw ang maglisod sa maong situwasyon tungod kay sakit kining tan-awon sa imong anak nga ingon niini ang imong gipangbuhat.

Dawata nga kausa nasayop ka, ug ayaw paghunong diha sa maong sayop. Life must go on, padayon sa kinabuhi ug paningkamoti nga ikaw ang mamahimong ehemplo sa imong anak. Nga tungod sa iyang inahan madasigon siya nga magdako og dunay maayong panglantaw sa kinabuhi. -- Tita Salie