Ang pangutana
Nganong ‘Day’ may imong sangpit nako? Nga maguwang man kaayo ko nimo? Puwede ma’g anak ra tika?†ni Nang Petra ngadto sa customer nga suki niya, tigpalitan og Banat News.
Ang lalaki nga wa pay kwarenta ang edad sa banabana ni Nang Petra, motimbaya gyud niya sa pag-ingon “Maayong Buntag, Day†sa di pa mopalit og mantalaan nga lakip na’g baligya sa iyang sari-sari store.
60 na ang edad ni Nang Petra. Duha ka tuig na siyang biyuda. Duha na iyang apo. Kay nangaminyo na iyang duha ka anak lalaki. Ug may tagsa na ka anak.
Ganahan na lang sab siyang tawgon og “Inday†kay mabatan-on ang iyang hunahuna ug pagbati. Namasin siya nga nindot paminawon ang tubag sa iyang pangutana.
Nagbarog karong buntaga ang lalaki nga nag-short pants ug natumog sa singot ang pulang T-shirt. Pihong gikan siyang nag-jogging. Nagtunol sa iyang kuwartang bayad sa mantalaan.
Gidawat ni Nang Petra ang bayad ug nihatag siya sa mantalaang paborito sa customer. Nitan-aw ang lalaki sa mga mata ni Nang Petra sa pagdawat sa mantalaan. Ug namulong “Ang mga babaye nga mga paryente nako, nga nag-edad na’g sobra 70 o 80, Inday ang sangpit nako nila.†Ug gipilo sa customer ang mantalaan dayong talikod.
Nakatan-aw si Nang Petra sa iyang mga sinilas. Maayo pa’g wa na lang siya nangutana. Apan siya ra sab ang mabasol. Kay nganong nangutana. (Katapusan)
- Latest
