Samad nga nagbasa

Duha pa lang gani ka semana, sukad gihiusa ang salag sa kaminyoon ni Igong ug Imak, ning ilang dakong simbahan sa lungsod sa San Fernando, may namatikdan na si Imak, kun ngano nga matag abot sa udtong tutok, may modagayday man sa iyang bilahan, nga kun iyang simhoton langto pa man sa baho sa batong?

Unsa go’y nahitabo kanimo Imak, nga nagsige ka na man lang og panarapo sa labakara, dapit sa imong bilahan?” dihay gibati nga kahibulong ni Uray Oprit.

“Ambot unsay nahitabo kanako?” daling tubag ni Imak sa iyang inahan nga taudtaod na usab nga nabiyuda.

“Lupig pa man hinuon nga ako gibus-aw?”

Wa na lang mangutana pa si Uray Oprit sa nahitabo karon sa iyang anak nga dalagang guwang nga bag-ohay lang nagminyo kang Igong, nga usa usab ka ulitawong guwang ning ilang balangay sa Sangi.

“Ayaw lang kahibulong niana Imak, kay sa pagkatiguwang na gud nimong dalaga, nga naminyo...dili kalikayan nga manggawas ang basa, ang daw ihi nga hilabihan gayod kapilit!” Prangka ug way lipudlipod nga mipadayag ang inahan ngadto sa iyang anak.

Dili ikalimod, nga sa panuigon karon ni Imak, nga may kalim-an na og siyam, karon pa gayod niya matagamtami ang dili ikapangagda nga kalami sa panahon nga todotudohon siya og digamo ni Igong, sa dili pa kini manawat sa iyang sanggotan.

Gani, magkayuring man ang iyang sinultihan diin siya magkanayon.

“Unsaaaa...nayyyy...imong... gilamasasss...Igonggg... ngaaa...waaa... nayy...sama...ang kalami!”

Igo lamang siya tubagon ni Igong nga nagkanayon:

“Hapit tanang lamas sa sud-an ang akong gilamas Imak!”

Wa pa gani manuktugaok ang ilang mga manok, mao nay nasawod sa dunggan ni Imak, ang kalanog sa pitlagong ni Igong. Midagayday na usab sa iyang bilahan ang nagbasa niyang samad. Mao gihapon nga bahoa.

“Mikutod na sad ang buntagon kong dawat sa tuba Imak,” kalit lang nahagtos ang kahalawom sa paghanduraw ni Imak, sa sangpit kaniya ni Igong.

Dihay iyang gihagawhaw sa iyang bana nga nagkanayon:

“Maayo Igong...kay mikutod ang imong sanggotan...baya na man sa akong samad sa bilahan kanunay na lang nagbasa!” -- (Kataposan)