Sa lawak na lang motsek-in
Komedyante ug istoryador kaayo ang bana ni Nova nga si Celso. Samot na nga itinerant vendor siya. Linuto ra sab ni Nova ang mga ipamaligya sa iyang bana sama sa puto, budbod, biko, lumpia, ngoyong, atsara ug uban pa.
Dili sab pamaligya lang ang trabaho ni Celso. Pang deliber sa mga produkto ni Nova ngadto sa mga tindahan o karenderya diin nag-consign si Nova sa iyang mga linuto. Napulo ka tuig na silang minyo. Apan wa pa tugahi og anak. Maong moandar usahay ang pagkaselosa ni Nova.
Gisaput si Nova, kay alas nuybe na sa gabii, wa pa nahiuli si Celso sa ilang balay sa sityo Tiglat ning dakbayan.
“Diin na man sab ka masangit?†ni Nova paghiabot sa iyang kapikas nga hapit na mag alas diyes ang takna sa gabii. Mug-ot ang nawong nga naglingkod sa sopa sa ilang sala nga nagtan-aw og telenobela.
“Didto gud sa atong mga suki. Hurot tanan akong baligya. Natural lang nga magabhian ko!†ni Celso nga nihalok sa aping sa kapikas. Nitunol sa kuwartang halin. Gibutang sa lamisita sa sala ang mga basiyong plastic bag sudlanan sa baligya. Nianam og pahiyom si Celso.
“Bugnaw na hinoon imong panihapon†ni Nova. Niduko ug giihap ang kuwartang giintriga sa bana.
“Sagdi lang gud kay unahon man nato ang panginabuhi. Kun gutmon, makatimotimo ra man sab ko’s atong baligya†ni Celso.
“Unya, wa ka nasangit didto’s videokehan nga may siksirikang babaye nga mohikohiko dayon ini’g abot nimo?†ni Nova.
“Nihapit gihapon, aron lang pagdeliber sa atong consignment. Ayaw lang gud kasuko kun dugay kong mauli. Nagpasabot lang na nga kusog ang negosyo. Kusog ang suhot sa kuwarta†ni Celso.
“Kun gusto ka, ikaw na lay suroy. Ako’y bilin sa balay†ni Celso.
“Madobleng hago nako. Ako pa’y mangluto sa atong baligya, ako pa’y mamaligya!†ni Nova.
“Mao laging division of labor ning atong gibuhat. Ikaw mangluto, ako’y mamaligya. Pero kun di gyud ka gustong mosuroy ko’g dugay, pagkuha og guwapa nga maid. Kay ikaw na lay akong pasuroyon. Unya masuko pa ko’g mouli ka’g sayo†ni Celso.
“Ikaw gyud, ikaw gyud! Magpasumbingay pa gyud nga gustong motilaw og lain!†ni Nova dungan sa pagkusi sa kilid sa kapikas.
“Ayay! Ayay! Di gyud na siya kakomedyahan!†ni Celso. Nigakos sa kapikas ug nihawok sa liog.
“Pagdali diha’g panihapon, kay nagduka na ko†ni Nova nga makahuloganon og tinan-awan sa kapikas.
“Sige gud. Nalimot man lang gani ta nga petsa katorse man diay ron sa Pebrero†ni Celso nga nilakang ngadto sa talad kan-anan. “Mao laging gusto unta kong makauli ka’g sayo aron makapanuroy pa ta†ni Nova.
“Wa ka man sab makapasidaan ganihang buntag daan,†ni Celso.
“Kini laging kabisi nato. Pero sa atong lawak na lang ta mo tsek in†ni Nova. Nakapahiyom si Celso nga nagsugod na’g hungit.
“Happy Valentine’s, langga†ni Celso. (Langga ilang tinawgan. Minobo sa pinalangga) “Same to you, langga†ni Nova. Mapahiyumon na nga nagtutok sa TV. (Katapusan)
- Latest
