Hubad sa damgo

Hello and good day Prof. Swami,

Magpahubad na sad ko sa akong damgo lastnight... nadamgohan nako prof ang among old nga house sa una. Gani karon nga house wala na jud na siya  dili man unta jud guba to nga house prof, maayo pa amo lang gibiyaan to kay layo man sa school ug sa transportation sad. In short naa  sa bukid unya sige baya  nako damgohon ning among old house, ang place mao ra gihapon unsay meaning ani prof magbalik balik man jud ug features sa akong katulugon among daang balay. Naluoy baya jud ko atong balaya prof kay naguba na lang jud ug iyaha kay wa nay nag atiman hangtod na wala na jud.

Dayon second prof nagdamgo ko didto ra gihapon nga house. Didto na play akong damgo together with my mother and father lang 3 lang me kabuok ngadto nga balay wala akong mga igsoon 2. Actually wala pa man pud ako mga igsuon atong time ma  tawo nga amo na giabandon ang house naglibog ko’g analized sa akong damgo which is na-entriga sad ko kay naa daw amega nako naabot sa among old house. Pero sa in real life nako wa ko maka-ila ani akong amega ug wa pa nako makita pa ning  mga amega nako daw.  Sa akong damgo kaila me ug amega daw me naabot siya sa among house nagdala og old guy foreigner kini nga foreigner makasabot og bisaya ug makalitok gamay og bisaya ug menyo daw ne cya nga foreigner taga Aklan ne cya,kay taga Aklan iya asawa tinuod daw in short akong amega is kabit lang. Nag-stay sila sa among house kay pobre lage sad me ok ra sad ang foreigner cowboy pud   siya sanay siya  sa pinobre nga life style. Pila ka days nga nag-stay sila sa house namo naka-decide ang foreigner nga mouli sa ila sa Aklan kay magkuha siya’g  kuwarta ngadto kay magtukod daw og balay sila  sa akong amega sa tupad sa amoa ra sad mao  gibilin ra akong amega sa amoa. Dayon mibalik   tuod ang foreigner unya may kuyog siya  nga laing foreigner para daw to sa akoa, willing makigmenyo sa akoa! Unsay meaning ani prof??Karon single ko apan naa koy anak...single mom lang...thanks.— Alferlyn

Alferlyn,

Kini imong damgo bahin sa balay nga karaan nga naguba na, mao toy imong kinabuhi sa una daghan diay ka’g naagian nga kasakit ug pagsuway.

Kadtong nagpakita imong mga igsuon sa karaan nga balay, maski wa pa sila mangatawo atong panahona, nagpasabot nga naa man gud naabot sa imong kinabuhi nga maoy nakapaisog nimo aron makigbisog sa kinabuhi maski unsa pa man kasakit. Ang akong tan-aw kay imo ning anak  or mga anak ang imong strength.

Amping!

Prof. Tata Swami

D' Swami (Descendant of Professor Swami)

Facebook page: https://www.facebook.com/BeyonddreamsBYdswami group page:https://www.facebook.com/groups/beyonddreams.swami/

* **

Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: [email protected].