Ang apohan nga mangaway
Natulala ang magtiayong Maki ug Nilya sa gitug-an-tug-an sa ilang apo sa inahan niini nga giaway kuno nila ilang apo. Mora gud sila’g kandilang giugbok ug ang ilang mata may miguwa nga question mark, kaingnonon gud sila’g “giahak.â€
Wa ra ba gyud tawon kini nila buhata. Gihatag gyud nila ang maayong pag-amuma, gikan sa pagkaon, pagkaligo ug pag-ilis sa sinina sa bata nga nagpangidaro’g 5 anyos. Hatud-kuha pa sa eskwelahan. Binantayan pa sa pagkatu’g aron wa’y lamok nga makabatug.
“Giaway ninyo akong anak, Pa?†matud sa inahan sa bata nga bag-o pa naabot gikan nga nagtrabaho sa siyudad. Wa sila’y trabaho ron kay Huwebes Santo hangtud ugma. Pinangga kaayo kini niyang bataa kay ang amahan niini pareha’g nawong ni Fredrick F. Gelbolingo.
“Wa, uy! kalitan gani ko ron, nganong namutbot na siya. Buotan man ta kaayo na siya. Matinahuron. Nganong amo gud tawong awayon,†matud ni Lolo Maki.
“Nganong nakaingon man ka, Day, Yolanda, nga mangaway imong Lolo’g Lola. Ila kang gikasab-an ug gibunalan?†matud sa inahan nga mikugos sa bata.
“Wala man. Mangaway ba ... mangaway kwarta tihik!†pinatibi sa bata nga nakapatig-ik sa inahan ug nakapanghupaw sa iyang Lolo ug Lola. (Katapusan)
- Latest
