Ang tawo nga nanglugos

Wa makapugong ang makusog nga kilat ug uwan sa yawan-ong plano nga nagkiat sa alimpatakan ni Daloy, alang niining usa ka seksi-gwapa nga babaye nga iyang gikaatubang karon nga miabli ug mipasud kaniya gikan sa  gawas sa gipasilongan nga gate.

Mingaw ang nataran hangtud pagsud nila sa balay nga bungalow. Way madungog nga mga kasikas bisa’g tingog na lang sa tiki. Gawas sa ulan, dalugdog ug nilagapak sa liti, ning nagsingabot nga kagabhion.

Nagpasabot kaniya nga nag-inusara ra kining bayhana. Mihatag og dugang sensasyon niya ganina ang pagkabundol-bundol sa dughan ning maong babaye sa iyang bukobuko ug bukton dihang giagbayan siya ug gipayongan padung sud sa maong balay. Nagsul-ob lang kini’g nipis nga daster nga klaro gyung tinagoang parte sa lawas nga maoy nakapagahi sa gitakin niyang armas atubangan sa iyang karsones maong.

Sud sa kusina anaay daghang mga lamiang masustansiyang pagkaon nga nagpasad sa talad kan-anan sama sa kan-ong humay nga puwa, hamon, fried chicken, sliced bread, peanut butter, spaghetti, fruit salad, ice cream ug mga hinog nga prutas sama sa saging, avocado, ug mangga. Giagda siya sa babaye sa pagkaon.  Apan wa siya ganahi niini ilabi nang misud ang makusog nga hangin nga nakapukas sa daster sa maong babaye, gigakos dayon niya kini ug gilugos.

“Tabang!” singgit sa maong babaye.

“Magpatabang ka pa gyud? Di ka makontento’g ako ra usa?’’ binugoy nga tubag ni Daloy. “Way makadungog nimo, ron, uy. Kay kusog kaayong uwan, dugdog, kilat ug liti.”

Apan sa kalit lang nabatyagan ni Daloy nga may mikalit paggunit ug paghikap sa nagkadaiyang parte sa iyang lawas. May migisi sa iyang polo, mibira sa iyang sapatos, mihushos sa iyang karsones, milangkat sa iyang brief. Ug sa iyang paglingi, 1,2,3,4,5,6,7,8,9 kini ka mga seksi ug gwapa nga babaye.

Alas 2:00 sa kaadlawon nagkamang nga nagkagidlay si Daloy nga nangita sa duol nga Police Station aron pagtaho nga gi-gang rape siya sa napu ka mga seksi ug gwapa nga babaye. Apan tuhoan ba kaha kuno siya sa mga polis? Nagkaluya siya. Nahinumdom siya sa daghang mga masustansyang pagkaon sa lamesa nga wa niya kan-a. Makalahutay ta kuno siya bisa’g tabangan pa siya. (Kataposan)