Dakong pagmahay

Gula 6

Nanglabay ang mga adlaw. Nabaniog sa barangay nga gipuy-an ni Daniel nga siya ug ang dalagita nga si Lovely adunay relasyon. Adunay mga higala ni Daniel nga mingisi lang apan may uban nga mihatag og pahimangno.

“Pagmatngon lang bai Daniel kay basin og makiha ka og child abuse ana nga pakigrelasyon nimo ni Lovely, menor de-edad pa man gud na bai,” matud sa higala niya nga polis.

Gipasabot ni Daniel ang higala nga polis nga wala sila’y relasyon ug si Lovely ug ang iyang gihimo nga sa matag higayon nga sila makigdeyt sa dalagita, iya kini nga hatagan og kwarta bugti sa gidalit nga kalipay.

Ang polis mipasabot ni Daniel nga kalapasan gihapon sa balaud ang iyang gihimo. “Magbantay ka bai kay aktibo ra ba kaayo ang ubang grupo ana nga kasoha, lahi na kining mga sakop sa International Justice Mission (IJM),” matud sa polis nga amigo ni Daniel.

Bisan sa pahimangno, wala gayud mohunong si Daniel sa pakigdeyt sa dalagita. Alang kang Daniel ang pakigdeyt niya kang Lovely makahatag kaniya og dugang kusog nga daw mobalik siya sa iyang kabatan-on.

Usa ka hapon, sayo nga mipauli si Daniel sa iyang balay kay nag-half day ra siya niadtong higayuna. Sulagma nga nasugatan niya si Lovely nga adunay gipalit sa usa ka tindahan.

Gipaabot ni Daniel si Lovely nga mahuman sa iyang pagpalit gikan sa usa ka tindahan. Iya kining gisitsitan ug dihang nakakita na si Lovely kaniya, iya kining gisinyasan nga paduolon.

Miduol tuod dayon si Lovely apan ingon sa nagpanglingi. “Unsa man?” matud ni Lovely. “Mag-abot ta sa taytayan unahan sa DepEd office unyang mga alas siete sa gabii, maayo kay ngitngit na. Three thousand ang akong ihatag nimo,” giingnan ni Daniel si Lovely.

Mora’g misiga og gamay ang mata ni Lovely nga nakadungog sa kantidad nga gibungat ni Daniel. Sagad g’yud nga kun magkuyog sila sa motel, tag P1,500 ra ang ihatag niya kang Lovely.

“Sige moari ra ko unyang gabii,” matud ni Lovely dayong lakaw. Gisundan ni Daniel sa pagtan-aw si Lovely. Diha pa makabantay si Daniel nga adunay tawo nga didto sa unahan naglantaw samtang nagsultihanay sila ug si Lovely.

Wala siya makaila sa mao nga tawo nga nagsul-ob og dark sunglasses. Taud-taud, milakaw ra usab ang lalaki ug mora’g miduol sa usa ka tindahan. Milahos si Daniel pagpauli sa iyang gipuy-an aron mangandam sa ilang panagdeyt ni Lovely unyang gabii.

Gitan-aw ni Daniel ang butangan sa iyang mga tambal. Gipangita niya ang energy drug niya nga maoy makapalagsik sa iyang lahutay sa kumbati sa kama. - Sumpayan