Three years na diay

Dear Tita Salie,

Have a wonderful day. Just call me Ms. Fedra, single and my problem is about my lovelife ug sa akong ex boyfriend.

One week ago lang nagbulag mi sa akong boyfriend. Siya gyod ang nakigbuwag nako, Tita Salie, busa sakit kaayo nako hunahunaon. Wala man gud siya mosulti nga duna siya’y laing uyab ug three years na diay sila.

Karon lang nako nasayran nga mabdos na ang girl. Pero dili ko puyde mangaway tungod kay dako na man kini og tiyan.

Nagdahom gyod ko nga wala siya’y lain kay iya na baya ko nga gidala sa ilang house. Everytime nga makahinumdom ko, Tita Salie, makahilak gyud ko. Unsa may akong buhaton? Palihug pasabta ko. Thank you very much and God bless.

* * *

Have a nice day,

Dili gyod lalim ug sakit kaayong bation sa atong dughan kun kita gibudhian.

Daghan gyud kaayong mga lalaki nga dunay sama og kinaiya sa imong uyab. I think ila gyud kining tuyoon tungod kay dili man sila gusto nga mawagtang kanila ang tawo nga ganahan usab sila. Kay siyempre, kun dili man gyod ta mosugot nga duna sila’y laing uyab. Mao kini ang hinungdan kun nganong sila mamakak.

Maybe duna siya’y feelings diha kanimo apan dili gyod seguro ingon kaseryoso tungod kay nakaya pa man ka niyang pasakitan. Pero at least migawas ang tinuod niyang batasan nga dili pa ulahi ang tanan. At least wala pay dakong damage nga iyang nabuhat kanimo imo ra siyang nabisto. -- Tita Salie