Dakong pagmahay - Gula 4

“Mipauli ko sa balay uy og naligo kay init kaayo,” nadunggan ni Daniel si Lovely nga nangatarungan dihang gipangutana sa iyang mga barkada og diin siya sa milabay’ng mga oras.

Gihatagan og lingkoranan si Daniel sa usa ka tanod. Mikuot ‘sab dayon si Daniel sa iyang pitaka ug gitonolan ang tanod aron ipalit og usa ka case nga beer. Mibalik sa grupo ang mga dalagita.

“Kuhai palihug og lingkoranan si Lovely,” giingnan ni Daniel ang usa ka tanod. Mitupad si Lovely kang Daniel. Nakabantay si Daniel nga ang hepe sa mga tanod nga diha sa iyang atubangan nagsigi’g tutok sa mga buhok nila ni Lovely.

Nasigpatan g’yud niya ang hepe sa tanod nga nagpahiyom samtang nagbanus-banos sa pagtan-aw sa umog pa nila nga buhok ni Daniel ug Lovely.

Taud-taud, dunay alarma nga may hubog nga nanghasi sa unahan. Namiya ang mga tanod ug nahabilin na lang ang konsehal ug ang hepe sa tanod nga wala mokuyog sa iyang mga sakop. Nakahigayon si Daniel sa pagsikit sa tanod chief. “Nganong gasigi ka man og tutok sa akong buhok?” hagawhaw ni Daniel sa hepe sa tanod.

“Klaro kaayo Dan nga nagkuyog mo si Lovely kay umog pa ‘sab ang iyang buhok. Pero ato ra na dili lang ta magsaba,” matud sa hepe sa tanod. Igo na lang sa pagpahiyom si Daniel ug wala na motubay og pakigsulti sa tanod. Nagduda siya nga ang hepe sa tanod nasayod nga si Lovely mosugot ra nga dad-on sa mabugnaw’ng lawak.

“Gipanggutom kuno ang akong mga barkada mamauli usa sila,” matud ni Lovely. Nagpasabot kini nga nanginahanglan sila og kwarta nga ikapalit og pagkaon. Napugos si Daniel sa pagkuot ug gitunolan si Lovely og tibuok P200.

Namiya ang mga dalagita aron sa pagpalit og pagkaon. “Dan, swerte ka g’yud kay sigurado ko nga nadala nimo si Lovely sa bugnaw’ng lugar,” matud sa hepe sa mga tanod.

Nagpahiyom nga mitutok kang Daniel ang barangay konsehal. “Mahutdan ka g’yud sa imong kusog kun kana maoy imong ikapares,” mitimang ang konsehal sa panagsulti nila ni Daniel ug sa hepe sa tanod.

“Ato ra ni Dan, nadala na ‘sab na si Lovely ni konsehal ug wala g’yud ‘sab magmahay,” matud sa tanod chief. Karon nasuta na ni Daniel nga ang konsehal diay maoy una nga nakahilabot ni Lovely.

“Mihunong na ko kay kuyawan ko nga moreklamo unya... kadakung child abuse, wala ra ba g’yuy pyansa na,” matud sa konsehal. — Sumpayan