First degree

Dear Tita Salie,

Have a nice day. I hope you are doing good, Tita, and I hope that you always have the courage to continue helping us especially sa among mga problems. Na man gyod sitwasyon nga mangita ta og somebody nga atong kasultian sa atong problema ug dili nato puyde masulti sa atong mga amigo o kaha pamilya, tungod kay controversial kaayo ug makauuwaw pa gyod. Maayo na lang anaa ang imong column, Tita, nga andam modawat sa among problema ug laing mga “dark side” sa among life.

Tagoa lang ko sa name nga Mark, I am still single, but I am in a relationship right now. Ug duna na sad ko’y umaabot nga anak tungod kay buntis na man ang akong girlfriend.

Ang akong girlfriend, Tita, gikuyawan usab niining among sitwasyon labina kay pregnant siya. Amo baya nga gitago ang among relasyon ug bisan kinsa wala gyod masayod gawas kanamong duha. Mahadlok kami nga mahibaw-an tungod kay first degree cousin man ming duha.

Bisan cousin mi, Tita, apan nagkahigugmaay mi pag-ayo. Puyde na ba mi nga mag-live in, Tita, kay duna na man kami umaabot nga anak? Puyde ba magamit ang akong apilyedo sa among anak? Unsa may angay namong buhaton? Palihog pasabta ko. Thank you so much and more power.

* * *

Hello Mark,

Ngano man intawon nga nagpatuyang man mo sa inyong gibati? Nasayod gyod mo nga ig-agaw mo ug duol pa gyod kaayo nganong wala man ninyo pugngi ang inyong kaugalingon?

Sa pagkakaron puyde pa ninyong tagoon ang inyong relasyon. Apan sa sitwasyon sa imong uyab nga buntis karon, maigo na gyod mo sa panultihon nga nagkaingon “Actions speak louder than words” kay bisan kondili mo mosulti ang tiyan sa imong uyab nga imong cousin maoy mobutyag sa kamatuoran.

Daghan na kaayo ko og nasultian nga up to 3rd degree lang ang puyde na nga kaslon ug minyoon. Busa buot ipasabot ang first degree dili gyod puyde bisan unsaon. Bisan pa kun willing ka nga pakaslan ang imong uyab tungod kay naa namo’y anak, apan dili gyod nato puyde supakon ang balaod. Ang imong uyab magpabilin gyod kini nga imong gipa-angkan.

Kondili mo puyde minyoon, ug dili man gyod mahitabo nga minyoon gyod mo, unsa pa may rason nga imong ipagamit sa bata ang imong bansagon? Useless kaayo ug basin maglisod pa hinuon siya sa iyang papelis kun ang iyang mama maminyo na sa lain. Mas maayo seguro nga apilyedo na lang sa iyang inahan ang iyang dad-on. -- Tita Salie