Isla Paraiso
“Si sister Veronica ang akong tuyo,†ni Rey pa sa tingog nga mahigalaon. “Mahimo bang makasulod?†Mipahiyom ang guard. Dayon miyango kini. Misenyas kini kaniya sa pagsulod.
“Thank you,†ni Rey pa.
Gikuyogan si Rey sa guard paingon niadtong dakong balay nga nagbuntaog nga gilibotan sa koral. Paghitungod nila sa pultahan, mihunong sila. May gipislit nga button ang guard. Wala madugay, natukas ang pultahan. Maoy misugat sa panan-aw ni Rey ang bayhon sa usa ka madre nga may pangidaron na.
“May nangita kang sister Veronica, Mother Superyor,†matud sa guard.
Dihadiha nakasabot si Rey. Ang maong madre mao ang nagdumala sa kombento. Wala tuyoa nahapatan-aw siya niini. Nagtutok diay usab kini kaniya.
“Sulod,†gidapit si Rey sa madre Superyor. Misulod si Rey. Ingon sa bakikaw kaayo ang iyang panglihoklihok. Gipaliraw niya ang iyang mga mata sa palibot sa sala sa kombento.
“Lingkod una, Sir...†sa madre Superyor.
“Corpuz,†salo ni Rey. “Rey Corpuz.â€
“Lingkod una, sir Corpuz,†matud sa madre Superyor. Pahibaloon ko pa si sister Veronica nga may bisita siya.â€
Samtang naglingkod si Rey, iyang gisanasana ang iyang igsusulti ngadto kang Veronica. Nakaseguro siya nga makugang gayod kini inigkakita kaniya. Dili pa gud dugay silang nagkakita ug mibalik gilayon siya sa kombento. (Sumpayan pa)
- Latest
