Ulo sa ubod nga dili makumkom

Sagol kalipay ug kalagot karon ang gibati ni Digna nga nagsud-ong ni Nisyo nga maluyahon nga natulog sa may dako nilang lantay nga kaadlawon nang nahiabot gikan sa dagat nga namana og ubod.

Kinsa man goy magdahom nga ang kasapsing sa lawas sa iyang bana hilabihan ba diay kadako og armas nga nahuptan, nga hapit na man hinuon niya ikamatay?

“Basta ako nga mamana og ubod ... Digna, ayaw lang gayod ako balibari sa akong ihangyo kanimo?” pinaluray ang ganay sa tingog ni Nisyo kaniya.

“Apan delikado kaayo Nisyo ... kun ikaw panuhoton ug modayon sa pagdigamo kanako?” hugot kaayo nga mamalibad si Digna.

Ang tinuod ... maluoy gayod siya sa iyang bana nga gikan sa kahapo sa iyang lawas nga budlay kaayo nga manana og ubod mohangyo kaniya kay kuno dili kapugngan ang iyang kahidlaw?

Apan lahi karon ang gibati ni Digna sa nahitabo sa pag-abot ni Nisyo nga gikan nga namana?

Mao ra hinuon siya og nabughat? Nahinaykan siya sa iyang bana?

Mao ba kaha kini ang resulta sa pagpunay og kilaw ni Nisyo og isdang bakasi? Lahi na gayod ang gidak-on sa ulo sa ubod nga nagbitay sa iyang bilahan sa dihang iya kining gikumkom?

Gani, dili man ikalimod nga sa wa pa sila magpakasal si Nisyo gipahimangnoan man siya ni Nanay niya Porlang nga dili na lang ipadayon ang gikatakda nang adlaw sa ilang kasal, ning ilang dakong simbahan sa lungsod sa San Fernando diin makapila kini pahimangnoi sa iyang inahan nga nagkanayon:

“Ikaw ra unya Digna ang mokawot sa kaugalingong lubnganan ni Nisyo nga mamatay gumikan sa iyang kasapsing og lawas!”

Apan unsa may iyang mahimo? Sa kadaghan god nga mga ulitawo nga guwang ning ilang balangay sa Kabatbatan, si Nisyo ra man gayod ang nakapapitik sa iyang kasingkasing ... aron higugmaon?

Buntag. Misilang na ang adlaw diin mao na lamang ang nabatyagan ni Digna nga hugot na usab siya nga gigakos sa iyang bana.

Wa na siya nakabalibad bisan hilabihan na og pamuypoy ang iyang kalawasan.

Dili na siya makaiskapo pa sa kusganong pangupot sa bukton sa iyang bana.

“Sulayiiii ... kuno....... ogggg usabbbb ogggg hagkommmm angg uloooo saaaaa uboddddd .... aronnnnn .... imonggg kuptanannn Dignaaaa!” nagkanguhal si Nisyo.

“Lisodddddd nangggg kumkomonnnnn .... anggggg ulooo ... aronnnnn ... hagkomonn..... Nisyoooo!” nag-utnga ang tingog ni Digna. (Katapusan)