Isla Paraiso

Gula 7

Dihadiha gisandok sa tulisan sa tuong kinumo ang tiyan ni sister Veronica. Miutnga sa kasakit si sister Veronica nga ingon sa nawad-an og umoy. Nalusno kini sa lingkoranan nga daw sa gipangagiwan sa tanang kusog. Nanibug-ol ang dagko nga lusok sa mga singot sa nawong ug agtang ni sister Veronica.

Ang hold-aper nga naglaraw og mangil-ad sa madre abtik nga mibulanit niini ug gipasandig ang bukobuko niini sa sandiganan sa lingkoranan sa sakyanan. Si sister Veronica ingon sa gipunawan na sa hingpit sa kusog sa pagtutol ug pagpakigbatok. Human maabli ang siper sa karsones sa hold-aper, gisugdan na niini’g panangtang ang mga salimbong sa lawas sa madre.

“Dalia na Brader,” matud sa kauban sa hold-aper. “Tingalig mabulilyaso kita nianang kalakiha da.”

“Ayaw kabalaka Brader,” matud sa hold-aper. “Kadali ra kini. Gusto lang kong motilaw og madre.”

Apan sa wala pa mahukas ang sapot nga gisul-ob ni sister Veronica sa hold-aper nga buot moamong-among kaniya, kalit milanog sa sulod sa sakyanan ang sipa kaayong buto sa pistola. Usa sa tulo ka hold-aper ang nabutalid dihadiha.

Nagkaguliyang ang mga tawo. Dihay mga pasahero nga nahapaumod sa dihang kalit kaayong gipahunong sa drayber ang bus nga gimaneho. Kasagaran sa mga pasahero midayon paghapa sa ilawom sa mga lingkoranan.

Ang bigaon nga hold-aper naniga ang mga mata nga nagtan-aw sa ilang kauban nga nalup-og sa salog sa sakyanan nga wala nay kinabuhi. -- Sumpayan pa