Ang linog makapakurog
Buntag samtang nagsubay ako sa dalan padulong sa Lungsod sa Cordova, mihapit ako sa tindahan nga maoy gialagaran ni Jessa isip usa ka tindera. Kini si Jessa usa usab ka magsusulat nga taga lungsod sa Tuburan Cebu.
Nakita nako si Jess nga nanilhig sa tugkaran sa tindahan. Apan kalit lang mikurog ang yuta nakong gilaktan. Unya nagduyanduyan ang mga poste sa mga kuryinte.
“May linog kuya Chris. Ug medyo nalipong ako...†matud pa niya nga mipungko sa yuta. Nga nagpanghawid usab sa pinaril mga bato sa kimba.
“Gikabuhi ako kuya Chris ... Ingon sa nagsakay ako og barko nga gibagyo sa dakong lawod ... gidagat ako daw kasukaon...†matud pa nga nagngise.
“Ayaw Jessa sa mga poste sa pagkumpiyansa. Pahawa diha ug balik diri sa tindahan. Apan ayaw usab niini sa pagsulod kay peligro usab unya sa mga tinda nga kinamada madat-ugan...†nako nga mibadlong kaniya.
“Oo, kuya Chris,†tubag kanako ni Jessa nga nangluspad ang panagway. Tungod sa labihan niyang kalisang sa linog nga sa tibuok yuta sa Cordova mitay-og.
Bisan gani ako diha sa dalan nga naglakaw-lakaw ug daw usa ka tawo nga hubog. Nagsusapinday nga nagwandogwandog. Gumikan sa kalabad sa akong ulo nga sa kalit nga paglinog nag-uyog-uyog.
Ang tinuod lang, hinigugma nako kini si Jessa nga taga lungsod sa Tuburan Cebu. Matahom usab kini siya. Sama usab ni Jona Bering. Nga akong nakita gayud sa personal sa kombensiyon sa Bathalad-Cebu didto sa University of the Philippines sa Lahug, Cebu City. Tungod sa akong pagdawat sa pinasidunggan kong drama nga nag-uloha’g “Mga Tunok Sa Rosas Sa Paraiso,†nga gitsermanan usab ni Ernesto Lariosa.
Gikalamano gayud usab nako ang guwapa nga magsusulat, si Jona Bering, nga taga lungsod usab sa Tuburan. Sila si Jona ug Jessa magsama usab nga matahom alang kanako. Nga sa natad sa atong katitikang Binisaya, ikapasigarbo gayud dinhi sa Sugbo.
“Linog....linog...linog...†singgit sa mga katawhan. Mga drayber sa nagkadaiyang mga sakyanan sa kadalanan sa lungsod sa Cordova nga ning buntaga maoy akong gilaktan.
“Linog...Linog...Linog...†dugang sa mga katawhan nga nanggawas sa tagsatagsa nila ka mga panimalay nga nagkaguliyang. Bisan kami si Jessa ug ako nag-estorya bahin sa linog nga ning buntaga nagtrahedya. Pulos usab kami nga gibati sa magsama sa duha namo ka mga gugma. Milakra sa guwapa nga nawong ni Jessa. Ang hilom mga kabalaka!
“Gihigugma ko ikaw Jessa, sa tibuok gayud nako nga kasingkasing. Kun magkinaunsa gani kining linoga, dinhi sa lungsod sa Cordova, mag-unong gayud kita ha?†nako pa ni Jessa.
Kay ning kalibotan, ikaw lamang gayud ang bugtong babaye nga akong gihigugma,†nako pa nga mipahiyom usab ni Jessa.
“Oo, kuya Chris,†tubag usab niya kanako nga nanglugmaw ang mga luha. “Bisan pa sa imong katigulangon. Ug sa akong kabatan-on karon, dili gayud usab nako ikaulaw sa akong kaugalingon ang tinagoan natong relasyon!†matud pa ni Jessa kanako.
Misulod kami sa tindahan nga iyang gialagaran. Akong nakita ang mga tinda nilang mga benotelya nga nangahulog ug nangabuak. May mga sinako usab nga mga bugas nga gipatindog ang nangatumba ug nayabo usab diha sa semento.
Pagtan-aw gayud namo sa telebisyon, ingon sa GMA ug ABS-CBN nakita gayud namo ang dako nga kadaot didto sa probinsiya sa Bohol. Ang pagkahugno sa simbahan sa Loboc ug pagkamatay sa daghang mga tawo.(Kataposan)
- Latest
