Hi Prof. Tata Swami,

Hi Prof. Tata Swami,

Good day, hope you are in good health as you read my email. Naa ta koy ipahubad nga damgo kay na worried jud ko ani kun unsa ang ipasabot ani.

Nagdamgo ko nga 4am na nga miagi ko sa tulay nga naay tubig. Pag-abot nako sa pikas nilingi ko dapit sa tuo mao akong nakita ang kahayag nga naglakaw sa tubig, si Mama Mary ug usa ka angel. Sa ilang luyo naay usa ka lalaki pero di nako maklaro kinsa kay wala may hayag ang iyang lawas. Gisundan nako sila og tan-aw hangtud nga nipadung sila sa ilawom sa tulay hangtud nawala.

Unsay buot ipasabot ani please..hubari ko..

Salamat ug magpaabot ko.

Mitch

Mitch,

Kini bitaw’ng simple kaayo nga damgo, usahay makahatag nato og dakong kalibog. Kini imong damgo mubo ra tuod pero makapangutana gyud ka’g unsay kahulugan. Imong damgo nagpasabot nga naa kay gipangayo sa Ginoo or nisangpit ba ron ka ni Mama Mary nga makakita kag sign bahin sa imong hinigugma o’ kung minyo man gani ka, sa imong bana kung nagtarong ba gyud or wala ug mao na ni ang tubag. Sa imong paglabang nagpasabot nga nisulod kag usa ka relasyon nga usahay way klaro ug mag-questionable imong utok kung angay bang magdugay ka aning tawhana o’ dili. Kung uyab pa lang imong gikakuyog karon, nagpasabot nga nausab na ni iyang panan-aw sa usa ka relasyon, usa na ka-seryoso ug wa nato iyang panahon nga duwa-duwa lang para niya ang uyab-uyab.

Kung minyo man gani ka, taga-i og chance imong bana kung nasayop man gani pero hatagi gyud ultimatum ok? Kung permiro pa niyang sayop, natintal ra gyud siya… pero ikaduha na gani, tinuyoan na, wa nay rason nga imo pang dawaton og usab.

Kung wa pa man gani kay uyab, naa gyuy maabot sa imong kinabuhi nga maayo’ng tawo pero wa kaayo’y kuwarta ning tawhana. Ikaw nay bahala mo bana-bana kung imo bang dawaton ang gugma nga iyang ikahatag.

Amping!

Professor Swami

D' Swami (Descendant of Professor Swami) Facebook page: https://www.facebook.com/BeyonddreamsBYdswami Group page: https://www.facebook.com/groups/beyonddreams.swami/ Group page: https://www.facebook.com/groups/beyonddreams.swami/

* **

Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: [email protected].